感情事~~~~~~~

有一日,佢係條街度...當住好多人面前罵我...
係咁話我係一個唔好ge女朋友..不停數我..
仲要讚我一個朋友對佢男朋友幾好幾好..
係咁話我做唔到人地做到ge野...
我係條街度係咁喊..佢都冇停..不停咁話..
我傷心到成個坐左係條街度喊..
我冇力去還擊...
之後佢仲要話"比個機會我去改"ge理由同我分手..
冇幾耐之後...
佢就同我個fd一齊左...
呢個fd就係佢之前係咁讚我比唔上佢做一個女朋友ge果個女仔..
果個女仔係佢同我分手之前..
成日叫我對佢d,
做到好似好關心我地2個ge事咁... 補充時間：2007-06-21 00:40:23

但係,佢飛左我之後..
點解可以咁快同呢個女仔一齊...
果時..我真係好憎佢地2個..
但係佢地拍拖左一個月之後..
佢地分左手..
有一日..我終於忍唔住打去罵個男仔...
佢話佢同果個女仔分左手..
發現最愛係我...
我d朋友已經叫我唔好再信佢...
但係我真係好心軟...
定係我忍受唔到寂寞...
我做返一d我地以前會做ge事..
eg 夜晚打電話比佢叫佢哄我訓...
成日得閒就叫佢出黎陪我食野... 補充時間：2007-06-21 00:41:17

我開始覺得好辛苦喇...
冇幾耐之前,
佢話我成日發脾氣..
所以打左我一巴..
我同我個fd講返..
佢話男仔根本就唔可以打女仔,
"話你發脾氣只不過係藉口,佢天生已經好暴躁,以前已經對你好差,你唔應該再理佢."
我知..我一諗到佢以前點對我..
我真係覺得我唔應該再搵佢,
佢搵我,我都唔應該再理佢..
但係一聽到佢哄我...
我就心軟... 補充時間：2007-06-21 00:42:03

我唔想自己再咁心軟..
我覺得好辛苦好累喇..
我覺得愛情已經變得唔可信..
一時對你好..一時對你差...
男仔就係要咁對女朋友嘛...?
定係..係我搵錯男朋友...
我個朋友叫我搵過第2個..
盡快忘記呢個人..
但係我真係好難做到..
我可以點做....