| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2007 年 6 月 12 日 星期二  |
| 2007-06-12 |
分類: 未分類 |
. 薛凱琪(Fiona)於06年感到最開心就是能接拍《新不了情》這套電影，因每個女孩子也想拍到這經典的文藝片，而Fiona真的能夢想成真。Fiona全年最開心便是推出了《Electric Angel》這張新碟，因為在碟內她作出了多項嘗試。可是最令她傷心的卻是家中的小狗離世，小狗彌留時她卻身在內地工作，令她感到遺憾。展望07年她希望減少一些無謂新聞在她身上出現就好了 ...
[星島日報 06/12/31] 群 星 除 夕 回 首 06 喜 與 悲 (FF)
好同意今年 "Electric Angel" 隻碟確係俾人耳目一新嘅感覺，阿 Fi 嘅唱功愈見成熟，實在太好喇！所以哩隻碟係阿 Fi 咁多隻碟以嚟我聽得最密嘅一隻！令我更期待 07 年阿 Fi 嘅下一張碟！
據知阿 Fi 07 年會錄國語碟，最近聽佢唱嘅國語歌 "雪花飄" 同 "四人遊" 都好好聽，相信阿 Fi 憑佢嘅獨特聲線，可以响國語歌市場度佔一席位！
至於音樂獎項方面，我早前嗰篇 "靚 Fi 回歸 再戰樂壇頒獎禮！" 都分析過，大家可以睇睇。而最令人關注嘅叱咤頒獎禮，結果要聽晚先知，但根據非官方嘅統計數字，阿 Fi 可以憑 "小峽谷之1234" 攞到叱咤十大歌曲，而女歌手銅獎就會輪俾衛蘭。雖然攞唔到女歌手獎比較可惜，但阿 Fi 今年音樂上嘅出色表現係有目共睹！太陽報係咁寫：
... 薛凱琪今年表現不俗，失去女歌手銅獎實非戰之罪 ...
[太陽報 06/12/31] 過關斬將 撼贏千嬅薛凱琪 衛蘭叱吒發威奪女銅 (FF)
得到大家嘅認同，其實已經好足夠，而且阿 Fi 今年都分別俾黃耀明、陳奕迅同 Eric Kwok 哩啲勁人讚過，仲好過攞獎！
阿 Fi 只要繼續努力，今年攞唔到女歌手獎，咪明年先攞囉！我一定等您喎！
至於拍戲方面，今年阿 Fi 主演嘅電影 "新紮師妹3" 票房同口碑都好差，舊年部 "摯愛" 我都已經覺得麻麻，點知今年哩部仲衰，阿 Fi 真係俾馬偉豪累死！不過好在阿 Fi 响第一部電影 "早熟" 有出色表現，所以啲觀眾都知錯不在佢
而阿 Fi 有得擔正做 "新不了情" 電視版嘅女主角，係今年嘅一大喜訊，始終爾冬陞嘅出品令人比較有信心！預計 07 年哩套劇出街後，阿 Fi 嘅人氣一定再度標升！
每個人都會有唔開心嘢，阿 Fi 今年都唔例外，例如愛犬冬冬離世、近期被屈嘅新聞等等。但我覺得今年阿 Fi 個人真係成熟咗好多，唔開心嘅嘢，佢可以好快諗通，恢復過嚟。而工作上嘅辛苦，佢都可以咬實牙關捱過去，抹乾眼淚向前走！正如佢首歌一樣，走出小峽谷，變得更好、更強！
咁阿 Fi 今年都有好多開心嘢嘅，不可不提就係華納幫佢正式成立歌迷會，証明佢受到公司重視，已經係一線歌手嘅地位。當然咁樣亦都表示公司會對佢有更高嘅期望，壓力自然會更大
我好有信心阿 Fi 係有足夠實力去應付嚟緊嘅挑戰，希望佢可以放鬆啲，唔好咁大壓力。當然我同其他 fans 嚟緊 07 年都會繼續支持阿 Fi，因為佢真係一位出色、有心、勤力、又有無窮潛力嘅好歌手/藝人！絕對令人欣賞！！絕對值得支持！！
薛凱琪 今年好 明年會更好！
|
|
|
「浩。 於 2007-06-13 01:57 PM 發表：
|
網主回覆
咁好!? 講笑咋化 Posted at 2007-06-15 12:36 PM [ 編輯 ] [ 刪除 ] |
|
