我相信今天是我在５ｃ最不開心的一天，不是一件事，而是很多件事累積而成的

　　今天是五年級參觀的日子，地點是香港交易所，一早派通告已經知道上午８：００集合，可惜時間到了，依然仲有９個人未返，忙著通知學校打電話找他們，到了８點１５分，依然有人未返，部份同學請病假．事假，我打電話俾慧儀，電話又冇人聽，最後到左８點２５分先打電話回校請假，我唔開心係因為佢地的不認真，人地話學生似班主任，唔通係我叫佢地遲到，叫佢地唔番．．．
　　到左交易所，大家分開參觀，其實都好值得參觀，不過唔係咁岩ｄ小學生，差唔多完結時又係指定動作－－影班照，呢幅應該係我同佢地唯一ge班相，將佢地分左三排，唉，呀邊個又唔同呢個企，果個又唔同呢個企，於是我走去中間企，點知仲有人係度說三道四，佢地有冇尊重過我，我一怒之下走開唔影，又係唔開心．．．

　　番到學校，上左班房，派番d個人學習檔案俾佢地入FILE，整好晒喇，就派埋d專題研習報告俾佢地，因為完成左老師評語喇，仲有就係d美勞作品，一定有人問可唔可以揼左佢，我話俾佢地知，呢d係老師批改完俾番你地，你地真係唔想要都攞去第二度先揼喇，都未講完姐，１號仔就倖我發現佢將成本專題研習冊整成一舊，我即時無名火起三千丈，正要鬧到佢狗血淋頭之際，阿志又將一份美勞作品銷毀，在追問之下原來係老姜授權，於是我去質問老姜，天到健賢同臻仔係度玩，啊！！！天啊！！我做錯左乜野，佢地竟然咁樣對我？？？？？？？？？我真係好唔開心，其實我應該開心先係，因為全級五個大獎，我班攞左三個，苑仔（優秀學生＋體藝傑出表現），臻仔（全年進步獎），但係而家．．