星期六約了葉詠詩同蕭芷鳳到天水圍體育館打羽毛球，１２：３０係天澤商場等，係商場見到大約十個伍小六年級的學生，佢地可能係去生日會喇，因為見到佢地一齊去買蛋糕．大約１：００等齊人喇，便搭７０６到天水圍體育館，諗住係體育館餐廳食野，呵！執左笠！唯有行過去天慈村食啦！兩位姑娘都幾食得喎，特別係葉小姐，哈哈！蕭小姐都好得意，叫左個西多士，佢叫ｄ牛油自己出，但係又叫ｄ糖漿唔好出，真係極具擬人法味道，唔怪得知佢ｄ中文咁好喇！提起居然有人才剛剛知道我已經離開了伍記，駛唔駛呀！打羽毛球的過程十分乏味，因為實力太懸殊了．哈哈，唔係自己讚自己，我又真係幾．．醒，原先諗住同佢地去買書，可惜天公不做美，下起牛毛細雨，唔係咁想係雨中漫步（因為已經過了這個階段，沒有這種心情了），於是我便在天水圍站下車改乘西鐵回元朗，在天水圍西鐵站撞到老姜，他們一家到元朗番教會．
|
