呢排都唔知做乜野，晚晚都訓唔到，正話同中堯傾到點幾，話訓覺喇，一陣又醒返，打下字喇！

　　３月２８日晚上係馬太ｇｅ安息禮拜，我同教會ｄ弟兄姊妹一齊坐車去到紅磡世界殯儀館，今晚有好多人，我估計有４００人以上，其實教會都同馬太做左一本紀念集，原來同馬太識左２１年喇，人生都好快就咁過左！

　　回想起來，人生有幾多個２０年呢？每一個２０年你又做左ｄ乜野呢？我呢２０年好似冇做過什麼特別的事，讀下書，教下書！！咁係唔係自己想做呢？真係值得深究！成日提ｄ學生，應該襯依家記性最好就讀多ｄ書，打好個基礎，但係佢地又有幾個聽得入耳呢？？

　　今晚好特別，係度問左好多冇答案ｇｅ野，因為ｄ學生冇上黎，有上黎都未必寫ｃｍ，寫ｃｍ都未必係答我．我自己係度諗，教書咁辛苦仲要讀書，年年俾幾萬蚊交學費，不如唔好教書好過喇！！！！都係要諗下教唔教好喇！！