午餐時都係食鴨腿湯飯．好滋味，彤彤食ｘｏ醬炒飯，辣到佢跳舞，講笑姐，不過佢真係唔食得辣，一碗牛丸麵俾成班男仔．．．．．唉，什麼都冇咯！

　　呀健仲未交功課，我狠下心腸將佢家課冊寫到十四次，尚欠一次就記缺點，希望佢珍惜呢個機會喇！

　　今天著左條西褲番學，ｄ學生覺得好怪，平日見到的都是短褲Ｔ恤，所以佢地好似見到個科學怪人咁，對我評頭品足，點解今日會著西褲？因為放工後要去官塘面試，邊間就唔講住喇，如果得先至講喇！去到已經見到８個人（有男有女）係度等，原來佢地已經係第二次面試，嘩！咁味好幣，儘力而為喇！！今次面試係副校同一個主任，見得好唔好就真係唔知喇，佢地話如果有第三次面試就會係下星期五之前通知，如果冇，即係名落孫山喇！！其實都有壓力ga，咁多人ＩＮ，緆下點喇！

　　晚上琪琪同冰冰打電話黎傾計，都好耐冇見佢地喇！主要都係講番上年海婷同冰冰ｄ誤會，我都要搵佢地傾下先．有ｄ掛住佢地添！！