考晒試喇！改完卷喇！對完卷喇！派完卷喇！緊接而來的節目是開會！大會喇，分科檢討會！分級檢討會！一浪接一浪，非常精彩！

　　上午ge專題研習發佈會由苑仔個組（啊蕭．欣欣．曉敏．肥煬）代表，其實佢地成個計劃ge構思係全級最好ge，不過係演繹同埋時間控制上就唔及５ｅ，所以冠軍就拱手相讓喇！不過你地始終係我心目中的冠軍，尤其係欣欣ge民族服裝，係度特別鳴謝彤彤ge幫手，令到個powerpoint更加完美，順道祝彤彤旅遊愉快

　　睇番５ｃ的成績，都叫幾好喇，係級名次中有進步ge都比較多(23人)，林生ge盟主地位依然冇人可以挑戰．彤彤亦能保持水準緊隨其後，苑仔發力衝上第三，期望佢地能繼續努力！

　　午飯時間去左美樂食車仔麵，同行者有肥興同朱仔，我話每人津貼１０蚊，佢地就走左囉．５點幾開完會後俾啊翎．邱邱call左去打羽毛球，都好耐冇打，不過對手ｄ實力就．．．．所以好輕鬆，冇幾耐呀賢都黎左，原來佢要去上水表哥度，玩左一陣就走喇！