今日在Suki家訓到三點幾先起身

起身後睇見鬼10,跟住落街食野(康年茶餐廳)

這間茶餐廳既面包好食到不得了,必須在這裡表揚一下

之後Suki有約會,我同Kate便落左旺角行街

睇左好多靚野,大家都有收穫

有好多野想買,可惜一來金錢有限,二來未係時候買咁多冬天衫

不過已約好左十一月再出動...目標係要買對boot

呀...昨日Zoe黎左探我,傾左一陣計...

祝佢見工成功左!同埋新髮型好睇左,人又靚左...

今日放工後同Suki,Kate,Yoppy,Christy&進去左唱K

本來目的是與YOYO聚舊,但她身體不適,沒有出席聚會

玩到兩點幾,之後楊佩珊話要食粥,咁我,Kate同阿進便一起去吃宵夜了

途中大家傾左好多計,傾傾下傾到差不多四點

那麼我同Kate就去左Suki屋企過夜

Suki搬左咁耐終於去左參觀,跟以前的差不多,環境不錯

在她的洗手間可找到無數的護膚品（我想有過百件罷）

這晚五點幾訓．．．

今天有位歲半的小朋友來我家作客

收工時本想快些回家同妹妹玩的,可是被Fanny&Ivy捉左去食火鍋

那麼我又捉埋男友一起去吃

回到家後,妹妹仲未訓,初初佢有d怕羞,同佢玩左一陣就好d

做小朋友真好,沒有壓力,沒有煩惱,食完就訓,一喊立即有人呵返

(我都想係咁）

最攪笑係妹妹指住姊姊小學時代既學生相叫:哥哥

今晚放工回到家吃飽飯後,和姊姊同姐夫一起看了部電影

28週後(講喪屍),很緊張,很心寒...

正當大家睇到如火如荼之際...姊夫說:唔得啦,好眼訓呀...聽日再睇

之後姊姊又話唔睇...禁我又唔夠膽單拖一個人睇,

到最後都係關機唔睇既...但我的腦海全是喪屍咬人既畫面

完全訓唔著...此時我開了收音機,聽903,一播就播首 是不是這樣的夜晚你才會這樣的想起我

聽完之後真係覺得深夜時候聽舊歌最好聽...

跟住便慢慢的睡著了..............

今日去了參加家豪的生日party

還試了我的第一次...

感覺怪怪的

前幾天知道了一件事,有位朋友的爸爸患上血癌...很可悲

一下子心酸了酸,發覺生命很脆弱...身體健康最緊要