我打ge野好灰咩?

點解好似個個睇完ge人都咁講ge

我自己就覺得無咩野

打d  feeling出黎姐

可能係你地覺得現實唔會咁

係我自己好灰所以先令我打d咁ge野出黎

但我就覺得e  d野好普通

不過其他人都話好灰ge咁我就打d更平常ge野啦

今日我好似同外界無曬關係咁

msn都無同人傾

全日只係同connie  sms左一陣

全日都係到諗d無聊野

之後無啦啦落好大雨

但無幾耐又出太陽

我就好無聊咁望住個天

睇下會唔會有彩虹

望左好耐...都係無

但佢比左好多靈感我諗野

e家ge我地成日都會諗

其實彩虹唔係d咩野

見到都唔係咩大件事

但如果我頭先真係見到ge我又會唔會咁諗呢?

我地好多時都會咁

成日都覺得一d野其實唔重要

無左都無所謂

但到無有機會得到ge時候你就會發覺果樣野其實好重要

重有

無錯好多野唔係必然

好似大雨之後立刻好好太陽都唔一定有彩虹

但你有無諗過如果你去睇下可能會見到彩虹

但如果無睇都唔睇就一定見唔到

所以要捉住每個機會

想做就去做

望望下個天我又係到諗

其實如果無太陽同雨水就唔會有彩虹

但往往我地就只係會注意到彩虹

但太陽同雨水都唔會因為咁而唔出現

其實我地成日都會張自己睇到好大

想人地成日記得自己,做個大人物

但其實我地唔洗咁

只到做好自己ge本份

必要時先做小小野特出自己

可能咁樣先可以同人地ge關係更持久

就算係小人物都可以變得好燿眼

但有時我地同自己講過ge野又會無做到

好似我咁

其實我有同自己講過唔好再搵佢

唔好去煩佢

唔好再令佢唔開心

但我都好忍唔住咁好在意佢

留意佢

有時睇到d野又會同自己講果到講ge野唔會係我

叫自己唔好對號入坐

但其實個心唔係咁諗(特別係d男仔)

有咩方法可以令自己做到自己講過ge野呢?

答案係無

我地可以做ge就只有唔好比當時人知

多件事收埋係自己個心到

如果自己個心已經唔夠地方ge就可以收係公仔入面or自己信得過ge人ge心入面

其實我e家ge心情唔係開心

又唔覺得自己唔開心

但個感覺唔係幾舒服

我自己都覺得好怪=P

但唔緊要啦

遲早都會慣

好似我咁

其實我好唔中意自己一個

好怕悶

好想出下街

好想有人陪

但今日咁無咩同外界接觸又無咩野

總之唔好成日張d野諗得咁複雜

其實有時簡簡單單已經係最好