今日返早~一返到公司就有大推煙要上~我同阿欣(同事)都排左成個鍾~當時人又多~忙到不得了~到點半到去上水~一見水房如見地獄~d貨多到~唔識點講~用左一個鍾攪點左~到三點先有飯食~下午得三個人~一個係第二間舖謝來的~念著今日係我洗機~點知謝來果位同事身體不息早退~5點至7點得兩個人睇舖．．．要到7點先有人來．．又佢洗機．．唔洗我洗機~就連上水都唔洗~只需清機．．．．到就收工倉貨到~幫手攪點d野~就收工．．．．等三點季軍戰開波

返到屋企~沖左涼阿禧打來話比我知．．．太累唔睇．[唔係呀嘩]．我就冇理由自己一個出去睇．．．電視又冇直播．．．網上直播個網又死左．．．只好放棄∼∼ＸＤ打左陣瑪奇就訓．．．

今日返工~因有個第二間舖掉過來幫手~唔洗我企收銀位~加上今日特別靜~另到我冇野做~行行企企~咁又過左一日．．．．．．所以冇咩野想講．．

明天開始世界杯季軍戰．．．又可以兩晚唔洗訓．．．XD

兩晚冇訓~去睇波！！昨晚法國V.S葡萄牙果場~開場33分鐘比亨尼駁到一個12碼~又施丹負責射！！之後全場只有一些進攻入球~可惜冇球入~更可惜到完場只有一個入球記錄！！睇完仲有d時間訓左陣~到八點到出同阿媽沙田！！到10點幾到食完個M記行左陣~阿媽今日身體唔舒服早d返屋企~返到屋企~字幕崁完RMVB！！阿熙突然話出V2版~XD．．．．．．又要再崁過~之後打左比麥偉忠聊到兩點幾到換衫約小丙去阿SAM到打機~打到差唔多七點走人．．．

回到家沖涼~食飯清左幾集動畫~就訓．．．．．因為實在太累．．．．

施丹踢完今次世杯~要退休！！以後冇得再睇佢~可惜．．．．

依一莫我最愛~兩大球王交換球衣．．．．

C朗今場都踢得很好．．．．．

睇波睇天光~德國對意大利!!意大利臨加時完場連入兩球~贏左德國!!Oaz．．．．到6點先訓~訓到開工先起身~一返到公司先買左灌奶茶飲左先~

今日開工完全冇精神!!到食晚飯再飲多灌奶茶提提神~今晚仲有場~又係唔洗訓~~~XD．．．．唔講la!!!

昨晚特別早訓~所以今日一樣訓到成一點幾先起身~返工~返到公司d同事唔知發生咩事~好重火藥味~可能係今日是"無膠袋日"叫d客唔好用膠袋~反而比d客罵~因我都係一樣~叫人唔好用膠袋點知比個罵唔用膠袋用咩拿~但佢明明兩手空空~仲要係買一份報紙~如果當時我唔係開梗工~我真係想打X佢~今日到放工都唔知比幾多個客串同罵~現在都好火~攪到今日d心情好差~[都唔明d人~買果少少野~叫你唔好用膠袋環保d咀~又唔係叫你去死~洗唔洗咁多野講呀~你要用咪比你囉~]我就係最憎遇到依d客~好彩"無膠袋日"只係今日~唔係真係死比你睇~仲要臨收工時~因第一部機清梗機唔可以收錢~叫個客行過少少比錢都要比個客講一大堆野~[大佬呀~行過少少咀~又唔係叫你行去比車撞~洗唔洗好似巴士阿叔咁~講大堆廢話呀~]攪到我火上加火~放左工去買d凍野食~降下火~同買左d野食~準備今晚睇四強的第一場賽~德國V.S意大利~今晚可以唔洗訓~等開波．．．．．．