27-6-2011

=] 今日我揀左11點多d  出去影相

haha~ 依個時間岩岩好    去到旺角接近12點

係旺角搵左間日式餐廳

0.0 22蚊  有飯食          係旺角好少見

我揀左咖哩豬扒飯        雖然冇野飲

價錢最平         但份量同質素都唔差

塊豬扒好大塊  上碟前已切好    咖哩味道亦正常

^^ 值得下次再幫襯

食完飯       開始做野

target building   花園街 163-173號

/_\ 好熱, 其實次次出去影相都會流晒汗

我大汗係一個因素,  但主因都係天氣熱!!!

不停上落樓梯       後樓梯入唔倒     好彩有個阿叔    仙人指路

佢話要入後樓梯   一定要正門入人地住宅單位      先可以去倒

so 我要係咁拍人地門       請求人地俾我入去 =]

有一對已退休公務員兄妹      一個之前係隸屬醫管局   一個之前好似係隸屬地政署

佢地對政府既處事非常不滿       不停指責政府官員無能

-_-我都唔知可以講d咩      聽佢地宣洩

佢地見我成身汗   好似好累咁      特登倒杯水俾我飲

^^ 長者們好多都好友善

另一條後樓梯   都係一個長者開俾我

今次我走之前    重特登送我一包紙包飲品

是冰凍的        =] 今日我真係好幸運

真係好多謝佢地既幫忙 同 款待