轉眼間，考完CE已經成兩個禮拜

d時間真係過得好快好快，

已經放低左書本成兩個禮拜，

到而家又好想好想重拾書本，重返校園

起呢個CE，不少人打過電話比我，

叫我起戰場上唔好咁緊張，視考場為自己ge舞台，

仲話盡左力就ok，

好驚好驚，唔想8月4號黎，

但唔黎始終都要黎

亦證明左逃避絕對唔係一個解決ge辦法，

不過點都好，

CE ge 成績只係一面鏡子，

考得好ge絕對唔需要咁開心，

真正考起我ge，爭取一張大學入場券ge，

唔係CE，而係A-Level!!!

所以今次CE ge成績，只能夠對自己作為一個好好ge警惕，

起A-Level要加把勁，唔好重蹈覆轍，

我亦明白到邊個人讀果間Band幾ge學校並唔重要，

Band 1也好，Band 3也好，

最重要ge係問心無愧，

究竟自己起備戰公開試ge時候付出過幾多呢?

當中又浪費左自己幾多時間呢?

我屋企個鐘，我隻手錶，學校課室個鐘由中4到而家又轉左幾多個圈呢?

咁我又浪費左幾多呢?

到而家又走過幾多次堂呢?又同老師頂過幾多次嘴呢?

呢一刻，我已經良心有愧。

到而家，我再係咁收收埋埋自己，我仲會係一個人咩?

我根本就同一隻烏龜冇分別。

最緊要都係知錯能改，唔好重蹈覆轍，

並從錯誤中學習。

讀左11年書，經歷過唔少野。

經歷過比學校罰停課成一個月。

經歷過被同學打壓，攻擊。

經歷過比某某老師針對。

經歷過因同同學相處不合而同果位同學毆鬥，最後嘈上差館。

經歷過因一d事而日日去校長室度罰跪。

經歷過ge野好多好多，受過ge苦亦好多好多。

不過點都好，呢d苦都一一捱過左，

唔好再向後望，要向前望。

更重要ge係，要證明比d睇唔起我ge人睇，自己係得ge，絕對唔可以輸比其他人。

當中亦完全感受到讀書生涯好短，而學習之路十分慢長，

對我黎講係一個好好ge警惕，

要珍惜起學校任教我ge每一位老師，珍惜時間，

唔好再咁浪費