大學生活正式開始啦!!!

今日係我正式搭機去台灣ｇｅ日子，我成日都覺得好緊張啊＞＜我一直係到諗會唔會係機場喊出黎，好彩我醒目，一到機場就叫阿媽番去屋企先，不過我到最後都係冇喊到出黎，只係一去到就即刻患上思鄉病，好想立即番屋企ＴＡＴ，不過最後都係同自己講＂係度過１３７日就可以番屋企，死都要涯落去＂（睇下我連有幾多日就可以番屋企就知道我思鄉有幾嚴重啦）

搭咗一個半鐘頭ｇｅ機就到咗台灣啦，都算係好快啦！不過跟住搭車去東海大學先係最痛苦，係架車度搭咗成三個幾鍾先至地，坐到我成個人變呆了。

去到之後第一時間就帶我地去女生宿舍，但係最得人驚ｇｅ係由學校門口到女生宿舍竟然要成半個鐘＞＜去到果陣隻腳都不受控制了

ａｎｄ　ｔｈｅｎ　由Ｄ學姐帶我地去自己房放低我地Ｄ行李先，由於我地係僑生會俾其他學生早好多黎學校，所以果陣成個宿舍都係得我地班僑生，由其係我果層得我一個人係度，真係好得人驚嫁。放低咗自己ｇｅ行李之後，就由學長帶我地去一間餐廳為我地去迎新

呢個就係我地ｇｅ迎新晚餐啦^^係唔係好正呢，仲有水果同布丁送俾我食ｇａ

食飽飽之後，就帶我地去買第一日ｇｅ必需品，for example：床舖ａｎｄ枕頭，好彩呢Ｄ野都唔洗自己搬番去，有送貨服務啫

當我地返地去自己宿舍果陣，已經係好晏啦，我諗住一個人快Ｄ訓，咁就唔洗驚咁多野啦＝　＝　點知個天都唔俾我好好咁休息下

當我返到去自己房ｇｅ時候，噹噹噹噹！我ｇｅ行李全部唔見咗，跟住我心諗唔係啊話，第一日同我搞Ｄ咁ｇｅ野，陪我返房ｇｅ新朋友都嚇稱，不過我咁醒目，梗係立即知道發生咩事啦，原因好簡單，就係個學姐之前帶錯我去另一間房，跟住我朋友立即陪我去揾個學姐過黎，諗辦法幫我手揾返Ｄ行李，好彩果陣由於只有我地呢班港澳人，Ｄ房間門都係無上鎖，只有我地ｇｅ房先有上鎖，如果唔係就有排我揾啦！跟住最後都有揾到間放行李ｇｅ房。不過由於呢一次ｇｅ事令我精神有Ｄ受傷，所以我唔多敢自己一個人訓，所以就走去新朋友間房到訓。

聽日會再有迎新活動，希望會好好玩啦！！！