由於呢幾日好得閒，所以會好勤力咁打番呢幾日ｇｅ事，今日係黎到台灣ｇｅ第四日，亦係我配副新眼鏡ｇｅ日子，我第一次感受到咩叫做真正ｇｅ服務態度，因為我前一日先陪朋友黎果到配眼鏡，所以我對果到已經好熟悉，如果唔係我會選擇捱到返澳門再配過。話說佢ｇｅ服務態度有幾好呢，我同朋友一入到去同佢講我個朋友要佩眼鏡果陣，佢又俾野我食，又俾水我飲，話怕我一個人等會好悶，電腦都幫我準備好，等我可以無限上網，今時今日有咁ｇｅ態度ｇｅ店，已經係好難揾啦！所以我今日想配眼鏡果陣已經決定要去果間野到佩。

去果陣，為我服務ｇｅ係一個好靚ｇｅ女仔，佢人非常好，介紹我去邊到可以食到Ｄ又便又正ｇｅ野食，仲俾埋佢電話我，我真係服咗佢地啦！

而且人地間野幫我佩眼鏡不知幾高科技，同澳門冇得比，簡直係令到我呢個澳門人心感自卑啊ＴＡＴ