今日一大早又要起身啦，因為今朝又有一個僑生講座。之後仲要做個唔知咩野ｇｅ中文檢定，但係我心諗我本來就係用中文ｇｅ人啦！我仲洗鬼做咩中文測驗啊＞＜我又唔係印尼人。不過今届我地班僑生有個印尼ｇｅ叫劉德華，不過佢個樣就見面不如聞名啦！

今日終於發生咗一件令我開心ｇｅ事，就係俾我知道原來有僑生同我同一班，果個女仔係馬來西亞人，個名叫小倩。睇上去個人都唔錯嫁，應該可以做到好朋友ｇｅ。

而且今日我等待已久ｇｅ課程表終於要出埸啦

∼∼∼∼∼請看下圖∼∼∼∼∼

呢個簡直就係高中ｇｅ課程表啊！日日都要咁早起身。最可怕ｇｅ就係體育堂上ｇｅ桌球竟然要我寫報告，天啊！你唔係係度玩我吧

而且呢個課程表仲未有英文，加上英文之後，連最得閒ｇｅ星期一都冇咗，簡直就係冇我自由活動ｇｅ時間，最後決定放棄社團活動，睇定Ｄ先，等下一年再參加，不過話唔定下一年都唔會參加。

因為我係一個宅女，仲要係一個非常非常宅ｇｅ宅女，ｓｏ晚上都係唔多想出街，想好好地留係宿舍度同大家傾下ＭＳＮ好過（澳門朋友係唔係覺得我好有義氣呢）

好快就要開始番學啦，我成個人都好緊張啊，唔知Ｄ新同學好唔好人呢，但係我唔想識Ｄ太過靚仔靚女ｇｅ或者係太過出風頭ｇｅ，我只係想好好地平靜地度過我呢四年ｇｅ大學生活，就係因為我Ｄ室友太不平凡啦，所以我先至特登走去申請調房。