今日係萬聖節，我好想食糖啊∼去年這個時候我係課室派糖比大家食，今年我就只可以係宿舍食杯麵∼阿柑啊！！！！唔通你真係一世宅女命。

　　好彩個天愛我，唔使我成日都係食杯麵∼今日有朋友叫我一齊去逢甲玩，不過上個星期先去完，今個星期又去都唔知玩咩食咩好。今次去玩有新朋友，係劉小姐ｇｅ企管同學，都係澳門人來的，佢個人都幾玩得。最好笑ｇｅ係佢認咗劉小姐做佢２家姐，大家姐唔使講一定係我地個６仔，三家姐係蘇小姐，今日佢仲認咗ｎａｎａ做佢四家姐，唔得啊∼我又要佢認我做五家姐∼但係咁樣我咪比ｎａｎａ低咗一級，咁都係唔好叫我五家姐把啦！

　　今日搭的士去到一落車，就見到間食火鍋ｇｅ店，而且只係１００蚊咋，就諗都唔諗就入咗去食∼雪糕，飲料都可以任你食，任你飲。不過係台灣食同係澳門食火鍋好唔同，係澳門我地係一大班人用一個大鍋，之後大家一齊爭食，不知有幾好玩。係台灣就係一人用一個細鍋，感覺大家之間冇咩交流，一Ｄ都唔好玩。

　　食完之後成個人都好飽，見到逢甲ｇｅ美食都已經冇胃口啦！！就咁樣走馬看花行過下就算∼不過到最後我都係用咗錢黎買野，買咗個ｂｏｄｙ　ｃｒｅａｍ∼好啦！我承認我係貪靚咗Ｄ^^ 不過同劉小姐同Ｂ先生比，我真係好好多啦，佢地搞到個銀包一蚊都冇，劉小姐走去買鞋果陣仲要問人係真定假野，大姐啊！收得你二千ｕｐ，仲要係假野仲唔打死佢咩！搞到自己俾人笑到物咁∼

　　最後我又買咗上次食果個馬鈴薯，但係今次好似冇上次咁好食ＴＡＴ

　　搭的士番去果陣，咁岩個司機係我地學長，仲要係企管系ｇｅ，搞到讀企管ｇｅ兩人都唔知講Ｄ咩好，我就好直接同佢地講快Ｄ去考車牌啦∼