今日 , 佢終於辭左職 , 仲係我一直陪住佢 ,

放左工再同佢番去果時 , d八婆的確有少許起哄 ,

但唔知點解 , 當時ge自己有種放盡去ge感覺 , 完全當佢地冇到 .

幫佢開口果時 , 唔知點解好難開口 , 好似仲難過係自己辭職 ,

本來以為會有一大場爭拗 , 但出奇地平靜 .

搞掂晒d野 , 我陪左佢一陣 , 個人好似放鬆左 , 因為 , 佢終於可以"甩難"

莉怡 : 尋日聽完你講果番話 , 我真係好開心 ,

講真 , 我真係有擔心過 , 我地呢段感情可以維持幾耐 ,

會擔心會唔會真過唔到三個月 , 但而家 ......

我真係好想我地唔只三個月 , 而係三個月又三個月 ,

三個月之後到三年 , 三年又三年 , 可能跟住就三世又三世掛 ,

咁講係咪好傻呀 ? 但我真係好想我地可以咁樣一直落去 ,

同你一齊左之後ge感覺 , 比我以前ge仲要強烈 ,

無論甜酸苦辣 , 都難唔到我 , 真係好似果句歌詞咁 ,

同你一齊 , 真係 "甜酸苦也都好"

雖然你辭左職 , 見又見少左 , 又少左你陪我一齊做野 ,

係就係真係唔開心 , 不過我都會比心機做落去 ,

因為 , 我話過要養起你 , 我冇講大話ga , 講大話會變醜ga xd

唔知點解 , 打打下呢篇文會有眼淚流 .