唉,今日一起身就向老豆開火!
之後我發脾氣走人...去搵啤牌機...
我唔係話邊個唔岩,你要我同我老母講盡量少聯絡,無咩唔好見咁...
我係佢個仔,就算我老母做左d咩錯事我都係佢個仔,
要我點同佢講啊!!!我唔同佢講就為難你,
但係你係度難為我嘛!
我知你咁多年比我老母激左好耐,都知你忍得好辛苦,
但係到左而家,點解唔放生自己放生人地呢...
同我老母劃清界線果個係你嘛,唔係我,亦都唔應該係我,
就算老母點唔岩都好,我都唔會同佢劃清界線,
我只係一個人,一個有血有肉ge人,我唔係機械人!!!
係我世界入邊無話岩唔岩,只有值唔值得,
就算我老母係出邊點都好,佢對我ge,我感受到,
老豆ge,我都感受到,我只係想平平穩穩咁生活,唔想理d所謂是非黑白!
之後老豆打返比我認錯,話佢唔應該逼我對老母講d咁ge野,係佢處理得唔好咁,
咁既然佢退左步,我都無謂再傷害佢,我都同佢講我都唔應該發脾氣ge,,,
點解係佢地之間ge事我無咩點出聲,因為如果我選擇一個就會傷到另一個,
我唔可以對住佢地兩個講我ge立場,亦都唔可以表現到我ge情緒,
今日就係我控制唔到我ge情緒,而傷害到老豆na,
只可以抑制住自己ge情緒,咩都要忍!
而佢地就不停咁將佢地ge情緒拉到我身上...
可能屋企ge問題好多人有,家家有本難念的經,但係都唔洗比本咁難ge我架!~
唉~最唔中意抑制自己ge情緒,偏偏就一定要咁做
唉唉唉唉唉唉唉唉唉煩煩煩煩煩煩煩煩!!!我就黎痴線架na!!!
想死都唔得!連死都要諗佢地ge感受!!!真係想我從來都未黎過呢個世界
家庭,事業,學業,愛情,人生中最重要ge!我無一樣係好!
地獄黑仔王真係當之無愧na...係黑仔呢方面我係搵唔到對手....
|
