係lee幾日我諗左好多野，我覺得我同佢既距離好似好遠，好似大家都唔了解大家，而且大家脾氣都唔係咁好，咁樣事件會愈黎愈壞，我唔係唔鐘意佢，唔愛佢，我係好鐘意佢，好愛佢，甚至唔可以無左佢，係我同佢一齊既日子，我都會係度諗，我地關係會唔會直到永遠，佢會唔會有一日對段感情淡，佢會唔會呃我，佢會唔會出面有第二個......等等。

我好記得有一排我地成日都鬧交，甚至有幾次要將段感情結束，我真係好驚呀，近排好似有問題出現左，唔知點解佢好似乜野都唔同我講，我見佢同朋友傾電話總會有說有笑，而我地大多數鬧交收場，定係我自己諗多左呢，我真係唔知呀，每一次同佢鬧完交收左線之後，我d眼淚就會流出來，我都唔記得我自己喊左幾多次，雖然我係有想過分手，但我真係好唔捨得佢，我愛佢，係因為佢有一種好特別既感覺吸引我，亦會好緊張我，我病既時候，佢會係我身邊陪伴我，會哄我笑......真係好開心架。

哈哈！講左出黎舒服晒，每一次喊完之後，就會唔記得唔開心既事，等待新一日開始。

老公我愛你！！你都唔好離開我呀，知唔知呀，我只不過想將唔開心既事寫出來，唔想放係個心度，你亦都可以知道我諗緊咩，哈哈，寫完之後心情真係好好多^^