重有兩日就８個月啦，時間真係過得快呀.........
想返當日，我同你朋友變成戀人，經歷好多事情先去到今日
８個月時間係可以話好短，有開心0r唔開心，有好有唔好
我拍咁多次拖，唔係人玩我，就我玩人，
我諗我拍拖咁多次，認真同鐘意得三個男人(包括你)，希望我現任男朋友係我人生中最後一個
其實我覺得我自己唔係一個好好女朋友
有陣時對你講大話，雖然果d大話係用係我工作上，但我已經激到你好嬲
成日發你脾氣，大小無事都鬧一餐
對唔住呀
我同你講，我係一個好易呷醋，成日都懷疑好多野既人
唔好睇我表面好似無乜野咁，有時諗你而家同邊個一齊，同邊個做緊咩，點解咁夜重唔返黎，重有好多好多咁既問題
真係會諗到喊架，總之好驚啦
８個月黎入面，成日都比咁既問題搞到我好唔開心
你都知我係一個咩人，我真係好希望我同你可以努力維持段感情，就算大家鬧交又好，為左另一些事而吵又好
甚至分手，我好想我同你都努力去挽救
我真係唔想咁容易就放棄這段感情
我真係好愛你
雖然我家人係有少少唔鐘意你，我有幾次返去食飯都叫我搵過第二個，佢地之不過想我再搵個更加好，我爸爸媽媽都無惡意架
你唔好嬲佢地
亦都好多謝你近８個月黎既關心，愛錫，照顧
好開心你比咁多快樂日子我
我愛你，永遠都咁愛你
………………………………………下面重有
點解我要係到講唔當面講
係因為你無時間同我傾心事，每一次問你問題，你一係訓著左，一係唔答我
兩個人一齊最重要係溝通
我想你有咩都同我講，就算我呷醋，成日懷疑都好
我唔想好似上一次咁樣呃我
甚至我嬲到好，我好希望你同我講同邊個去街，去左邊
好嗎？
你同我講好過你呃我，你咁做可能大家又鬧交，我唔想咁樣
我好想你比到安全感我
亦都想你講多d你既野比我聽呀，你睇完(劉)個言比我呀，一定要呀
| 
