今日我、黃小姐，黃先生同當當去沖涼涼呀
原本我地係佢地媽咪到食飯，但係太多人啦，勁多生意
可能個個都食團年飯，又將近新年.....
跟住我地去左市中心食飯，好飽呀！D野食都ok。
今日係我同老公一齊左四個月，本來好開心..........
因為某些事情而嗌交，今次重係最厲害既一次，當時我真係覺得好累啦
我想立刻走出去，但佢媽咪拉住我，我先無走到，跟住我地就搭的士返屋企
返到屋企，我收拾所有野，諗住去我表姪女屋企訓，當我收拾所有野既時候
佢叫我座低傾，當時我D眼淚係咁流出黎，傾左一陣之後，我係度諗左一陣野
今次無事，會唔會好快就有下一次呢？應唔應該大家冷靜下，其實我同佢既
脾氣都咁臭，我地可唔可以維持關係落去呢？我真係好驚再分開呀，佢話認成
我會改過，跟住我就原諒佢啦。
雖然我爸爸唔係好鐘意佢，但我想證明我選擇佢係無錯，我要比佢睇到點對我好
點錫我，我要證明佢係睇錯
點解我要堅持落去，係因為我唔想咁快無左這段感情，我唔想好似以前咁呀，個個
都係玩玩下，每一次既傷都會愈黎愈痛。
我選擇佢，係因為我覺得佢係一個好專一既人，亦都好錫女朋友，我知我地一定會過
得好開心。
希望今次既事情可以令到我地既關係再進一步，我只想開開心心咁過，半年、一年.......
甚至終老，都可以好開心好甜一齊落去。 | 
