今日去左鴨仔屋企^^

點解我突然之間又去呢...呢個唔講....

首先係約在何仲同埋凱蒨b先，係新都城買禮物，

之後就11:30落在去地鐵站回合佢地，

然後跟住cliff同埋容易受傷的猷猷去百佳買野食，

後來就回合埋33佢地去街市買丸，講真...真係好多....

最後就一行八人搭91m出發啦！哈~~~呢個係惡夢ge開始(一陣就知咩事)

一開始好開心咁燒野食，鴨仔屋企真係好大，

不過周圍好多狗，同埋有一種唔知咩味....

不過唔緊要，我地係個度都好開心，

識左琛仔，仲有小醜王...我係唔識打先寫呢個醜..>.<

我咋係食左丸同埋腸仔，因為咋係食個d都飽，哈~~

最精境係張卓龍同埋羅錦ge腸仔，超級多..係超級超級多....

如果無佢地係度，講真會食唔哂，哇卡卡~~!

之後食食下佢地竟然打麻雀，係呢個時候，

三個女仔就發揮佢地ge作用......唔係，係四個女仔，

哈哈！羅錦算唔算，我地算係一齊執野，我幫得最少！！(舉手

後來就攞左去打波，我成日唔郁，哈~~我真係唔係好識真係打波個隻打波....

哈...算啦....語無類次...

之後到左就黎6點..我決定打比呀媽.....點知比佢鬧我...

仲叫我即刻番...但係佢地又無意識走，於是一路留....

留到大約....就黎6點半，我地去埋士多買野，係等緊巴士ge時候...

呀媽就打去凱蒨b電話，叫我聽....唉~~

就咁佢知道左其實今次我係去西貢..因為我同佢講係寶琳..因為驚佢唔比...

佢last個句仲話「你番黎就死定啦...」唉...都估到會發生咩事..

不過算啦！今日好開心，多謝鴨仔！！！(鞠躬

仲有佢d屋企人(鞠躬x2

...哈..千奇唔好三鞠躬...哈~~好似cliff對住33咁做..

好啦！就係咁.....

---------------------------------------------------