|
終於有野打下啦, 昨晚去完哈囉喂...
累到攰到真係反面...
去親香港咪又係食吉野家囉.. 去搭629去海洋公園嘛..
買左張電話卡, 所以就狂打俾香港朋友啦..
入到去第1個唔係玩鬼屋, 係熱帶激飛..
激就激啦, 乜都濕哂, 比我想像中濕阿!
接著就係"恐怖創作室" 真係嚇親不過入面佈置得好靚!
嚇完後好死唔死整個笨豬跳, 超級大聲叫~
個個"喪屍絕地反擊戰"係悶架,剩係拎住支搶係咁嗶呯呯!
之後ger"紙紮極樂園"超靚入面架紙紮呠呠車- -
行行下仲有條路有氣咆逼住你嚇得我阿~
再黎"猛鬼尾班車"太多人入去啦,唔驚,好好笑~
落返下面食野,意粉加水承惠58元,我食唔哂個意粉我個fd幫我汁手尾..
之後"清宮殘異錄"排左差不多45分鐘,中途實會有鬼係中間搵人嚇!
再黎"腥級片場"無乜野阿, 再黎"3D惡夢潛行"開始進入排隊排到痴線ger情況!
哩個都唔錯ger,帶住個眼鏡, 又3D自己跳樓又無啦啦飛隻鬼埋黎!
戲肉黎啦, 八大鬼屋最後一個"亡魂棺廠"亦我最縮沙1個,事由中途要sir滑梯自己行...
排隊2個鐘絕對係正常,痴得好緊要,好耐無試過隻腳唔屬於我ger感覺...
入到去捉到隔離個個隻手就斷,sir滑梯特登企埋同1條line~
叫佢係前面等我阿, 哈哈! 都有嚇親阿因為得我2個..
終於玩完啦, 攰到去搭的士回澳了!
|
