|
今朝竟然唔係弟,ma同我講生日，係我阿ba，
佢話「阿女，你今日生日喎」
我話「係呀」，哈哈，好開心呀佢記得我生日。
之後我聽到ma叫ba俾d$我，跟住ba俾左兩張紅衫魚我，多謝。
之後出發，全team人等ma時，沈生同我講「
喂!今日有人爆左你既秘密出黎喎」我笑而不言。
搭車去天水圍綠田園，好熱呀!!*我搭車個陣係咁聽w-inds MP3!
到左之後首先搵BBQ爐，搵左之後我同d細佬去釣魚。
車~用麵包都釣唔到既，$50蚊釣成日，晒$啦!
釣個陣，連蚊都同我慶祝生日，我隻腳下面俾佢地咬左超多粒呀!
我細佬都好多，但我個d係一點點，好多點! /_\"
之後佢地話食野，我返到去食下燒下，飽喇又去釣過d魚。
我地見到旁邊既人釣到好多魚呀，
佢地係同蝦釣架!我地用捉既魚黎做餌，但最後都係食白果。
之後沈生同人鋤D，ma,鄭太,沈太,鄭太個妹傾計，我就坐左係度。
今次生日最最難忘，有咁多人陪我過生日，
之後走人個陣沈太趁我仲食緊蕃薯，塞左封利士落我個袋，
我話唔使啦，佢話係咁二，唔好話俾阿ma。
之後我都接受左，多謝呀!
等左好耐車去黃大仙，再轉車到慈雲山，我又聽w-inds。^^
到左之後去百佳搵ba，我地搵左之後買左3粒蜜瓜，
我拎左1袋野+一個蜜瓜，超重呀!
到左契ma家，我好口渴即飲7up、食薯片。
契ma話鋪好d野,蛋糕影相，我地仲係到睇超力仔VCD唔執野，哈哈~
係呀！自從小學之後，我就冇開過生日會，
今次竟然係去契ma家慶祝我既生日，好搞野呀~!!*
搞掂好晒d野就影相，首先同全部細佬影2張，
同弟妹1張，同表弟妹2張，
同bama2張，同契ma爺2張，好似未同過契爺影過相，
佢仲要坐我隔離，哈哈。
之後切蛋糕，個個睇超力仔VCD，
之前睇過但睇返覺得好好睇，隻貓好搞野。
之後契媽炒米粉我地食，又拎好多野我地食。
光同翔+鑫下棋，我同ma其他人睇獎門人，又邊食野。
跟住君送禮物俾我，要走喇，翔又送左把扇俾我，
鑫送本記事簿俾我，呵呵呵好開心。
10:00我地走，返到家11:00幾。
我同光講今次係我咁多個生日中最開心既1次，佢都話係，
我知道佢都感受到我個種喜悅。
有人講同人分享傷心係好容易，但分享開心就好難。
但我弟感受到我既喜悅呀!!
今日Rain黎H.K(呢個都唔關我事^^")，有廿幾卅幾人陪我，
湯告魯斯同我同一日生日架，哈~
多謝你地呀~~
| 
