唉...晏就...陳小姐放左又過左黎啦...跟住又係冇野做...跟住佢打黎...傾左陣...又話我呃佢囉...冇講過之ma..咁都係呃咩....而且我索個兩啖...咁我就緊係當冇架啦..我仲要唔係成日索wo..佢就次次都索...唉...唔知呀..好煩呀...跟住陳小姐又唔開心wo....黎生知道左佢同亞屎d野...話散...唉....我又唔知點幫佢好wo....而且我真係幫唔到佢....我知佢好想我幫佢同黎生解釋架...但係我又唔係佢..我都唔明佢點解會同亞屎一齊...咁我點幫佢解釋ja.....

跟住8點幾個陣...陳小姐冇啦啦話見到某人online wo....哎...我就知佢一定會睇我日記啦...咁就仆街啦...之前我死口都話冇去游車河架ma....我仲應承過佢唔會再上人地屋企...唉...跟住佢9點幾打黎...話有野同我講...我都估到佢係講呢樣野架啦...但係佢又唔肯講wo....又約左亞鋒個d落cyber...落到去爆左野先講...咁我就唔肯定係咪個件事...咪迫佢講囉..佢又死都唔肯講..之後叫我介紹佢比家輝拎糖個d....我唔肯...我要佢講左咩事先幫佢同家輝講...之後講唔掂數...收左線....

之後又要煩陳小姐d野啦....9點就黎10點..陳小姐走啦..去搵黎生...又係講數...哈...唔知點解...我同陳小姐次次拍拖都要講數咁既....邊有人拍拖拍到好似我地兩個咁架....次次唔係陳小姐幫我講數...就係我幫佢講數...哈..太搞笑啦....跟住陳小姐又打黎...話黎生返屋企..唔肯聽佢講...我就叫佢跟住佢返屋企啦....之後陳小姐係黎生屋企個後樓梯喊...我就幫佢搵黎生出去講數啦...嘩..鬼咁快又講唔掂...黎生又返入屋...叫佢走...我又再打電話....不過今次我都幫唔到佢..搵唔到黎生...唯有叫佢返屋企啦....

搞掂晒...我又自己死狗咁打返比d衰人...唉...我都係衰心軟架啦....跟住又幫佢搵家輝個d....d衰人本黎話打比我架..又冇打囉....跟住12點幾我就訓左lu....