2008-09-03

分類: 未分類

讀書最緊要既心態同心情

e樣我都好同意

但係係e個屋企咁我可以點?

我真係就黎受唔住囉

今日不錯呀~

真係好累...但都去左溫書

點知出門口果陣都比人鬧

有冇人聽過有人去圖書館溫書

屋企人會話架?

岩岩個家姐又發脾氣

平時講野26歲扮到自己7-8歲咁已經難頂架啦

但佢自己鐘意咁既講野方式

我都冇權話佢啦 所以我忍

但係佢同阿媽d野我都忍唔到

有時既感覺係佢地係度講人事非咁

阿媽都可以願諒啦

佢唔係後生 聽得唔清楚

聽唔到既位自己估返出黎

估完唔問返清楚就同d阿姨講呀

最後搞到d消息錯哂咁4圍傳

家姐我岩岩同佢嘈先發覺

初初都唔關我事

但係佢無啦啦話阿媽話阿哥係飯桶

我唔信阿媽會咁話阿哥囉

我就講"阿媽又會咁講既"

之後佢就話"阿媽一個果陣同我講架"

之後我話"阿媽又會咁話自己個仔既"

之後我話搵返阿媽黎對質

點知佢開始發脾氣啦

"關你咩事呀!阿媽同我講又唔係阿你講"

之後佢就行開左啦

搞搞下...佢拎左d左佢食淨既菜比我阿哥

(佢地放工..留飯所以分開裝)

我就岩岩食完....

阿哥話唔要...叫左幾次都係唔要

咁e樣我都撐阿哥既

平時去阿婆度食飯

食淨d咩都好多時比佢清碟

其實感覺唔多好

成日係咁真係會煩厭

之後個家姐行開...佢自己踢到阿哥隻拖鞋

家姐行多兩步 阿哥話頭先想一腳youn開佢

之後家姐行返轉頭嘈佢"youn囉..."

再嘈左幾句 果d我唔係好記得啦

最記得果句"你拖鞋隻kick到我"

"你地個個都係咁架啦"

"特登擺隻拖鞋係度kick我"

哥話"隻拖鞋一直擺係度 點搵黎kick你呀?"

家姐話"你地個個都係咁架啦 有咩唔得呀"

之後一大腳踢我哥隻拖鞋入sofa底

轉身入左房...

聽完真係刻骨銘心...咁都講得出

真係唔係好明點解做人可以咁冇道理

唔止一個 兩父女都係咁

真係好難接受到自己屋企人係咁囉

同無懶有咩分別?

唔知點解好掛住以前佢地兩個過左去讀書果陣

好寧靜...好似屋企都冇會鬧交既情況

果陣每日都會開開心心

原全無話宜家係屋企溫唔到書既情況

升左中學咁耐 差唔多冇係屋企認真溫過書咁耐

=]

今日同fa出圖書館係車果陣忍唔住

係咁諗返起比人話既野

好多年都無忍唔住係公眾場合流過眼淚啦a"a

唔知係咪因為自己真係有決心讀書既時候

竟然自己身邊應該係最親既"親人"都會唔支持自己

算係喪失左親人既意義嘛?

我唯一諗到黎安慰自己既

only you^^

都慶幸自己不是一無所有

為將來~!

為女人~!

為narnia~!

發表時間：2008-09-03 10:08 PM  [ 編輯日誌 ] [ 分享至FACEBOOK ]