某晚臨睡的時候，同房突然問：「你有冇聽過腕豆公主？」

 

「有呀，做咩？」我張開眼，無聊地看著黑漆漆的天花板。

 

「冇，你覺唔覺得個故事好白痴？」

 

「童話係咁架啦，話時話我都唔明佢想表達D乜。」

 

「真係好白痴呀，放咁多張床褥係上面，個公主都feel到粒腕豆。」

「或者係用誇張既手法，寫個公主有幾嬌貴姐。」

 

「哈哈，白痴架！」

「或者其實個公主背脊生瘤囉。」

 

「哈哈……好白痴呀。」

 

「你笑乜呀，好恐怖呀。」

 

「我放左勁多粒臭丸係張床褥下面都feel唔到呀！」

「……早抖。」