琴日祈禱,同天父講希望今日影相順利.平安.開心 果然今日好順利,好開心,好平安 出完外景先落雨  感謝神!!!!! 雖然唔係信徒,不過我相信有神//但我好似愈來愈小祈禱 可以學識放鬆某d事,唔需要下下都緊張到祈禱 但我應該學祈禱感謝神!!!感恩麻~ 講返今日,真係唔係好緊張..心情都好平穩 去到羅湖有專車車我地過去,講解左一陣就chose婚紗 之後就化妝set頭出外影啦!!! 一對一的服務超正!!有攝影師同學徒重有化妝師跟車, 同行重有另一對情侶..但應該有3.40歲//分開影 有攝影師教pose真係唔同d..哈哈哈哈 影完外影去左別墅再影..之後返影樓換多3個套裙,3個頭..妝有小小變化啦!! 影好曬落左妝就同相公出去去行左陣食左d野 d野食真係好平..買個同香港差唔多的9菜餅都係1蚊!! 我重買左2支羅小豬的百事可樂!!呵呵呵呵呵 本來想買比花痴寶寶,但相公叫我唔好買今多野..而且真係得2支有佢個樣 之後返返去chose相,真係眼花撩亂呀!! 不過同相公都好堅持,唔好過預算!!!!呵呵呵呵 但個sales都好好,雖然係有歲我地要多d..但我地唔要佢態度都好好 後尾重主動話我地唔要vcd幫我地改相簿^^ 真係值得推介ga!!! 之後因為司機收左工,我地就坐返taxi去轉火車返香港 過關條友唔知好嬲定好笑覺得我個樣同回鄉卡唔多同問我攞身分證睇 再睇問我點解2張卡個咏/詠字唔到我已經忍唔住笑左 你當當大陸檢驗員..簡體同繁體字有唔同都分唔到!!!!??唔好玩啦!! 重要我解釋過佢聽...睇下2張卡d資料一樣咪得囉...咪玩啦!! 今日係幾攰,不過影得好開心 好期待一個月後的可以睇相 今日做左"粉人"..好厚粉呀!!雖然好靚,但我都係鐘意淡妝的自己 我唔想人地覺得化妝前後2個人,小小妝人地覺得ok又認得係我先係我想的