今日唔知點解咁鬼累,累到今朝唔想起身返工,真係好眼訓丫
不過無計啦!所以都要撐住6點幾起身,之後開電腦
8點就出門口,去M記買野上車食,好趕急
好才返到去冇遲到~
中午我唔肚餓,我朝早食左野,頭先又飲左成大杯汽水,所以2點幾先食野
無啦啦手機響,我太忙冇聽,點知係無號碼,都唔係邊個呢?
到4點幾老闆問我食唔食麵包,我心諗2點幾先食完,又再食?
我唔食麵包,不過我又要飲汽水,老闆話唔好飲咁多,唔健康,老闆幫我買左
到就黎7點幾,距離放工得1個幾鐘頭,咁都會受傷
老闆娘爬梯,點知佢大聲咁叫,我望過去
原來梯搖下搖下,就黎跌,我立刻沖過去扶住個梯
老闆娘冇事,不過我左手o既尾指就爆左甲,流血
老闆娘問我痛唔痛,不過我話唔痛,其實......好痛~~
無計啦~!打工就係咁架啦!
而且我想我受傷都唔會比人地受傷
我手指受傷姐,好過老闆娘冇事
如果我咁冇人情味唔沖過去扶住,老闆娘跌到就比我手指受傷大件事好多
雖然好痛,不過唔緊要,只要其他人冇事咁就得架啦
放工啦!阿爸打電話問我收工未,佢話佢煮飯
之後我到藍田搭小巴返屋企o既時候,手機響,仲以為係阿爸打黎吹我快D返屋企
點知原來係羽仔,佢隔左好耐先打一次,所以估唔到
之後落左小巴一邊行去籃球場一邊聽電話
跟住見到山雞,都好耐冇見
佢樣好似好乖,但係佢又係出去蒲o既人,同阿銓係朋友,佢地成日都係成班飛仔一齊
同佢係公園坐,同羽仔收線後又有多左一個人,我唔識佢
不過我記得之前系百佳買陣見過佢同另一個係咁望住我,計劃點樣同我拎手提電話號碼
之後同阿銓拍拖先知佢又係同尼班人一齊玩o既人,跟住琴晚三個人一齊坐
又山雞問我去邊,我話返工,佢話我去左玩多過似返工
仲問我有冇搵阿銓,我心諗佢係明知故問定係真係唔知我同佢已經散左好耐
我答佢冇,佢地同我傾左一陣,我就走啦!費事越黎越多飛仔
我講拜拜之後就走,不過佢地仲轉頭望住我走,都唔知佢地做咩
返到屋企都10點左右,食完飯沖涼11點到
雖然聽日請假唔晒返學,不過都冇玩電腦,11:30訓教
 ? ? ? ?
|
