iTunes 唯一好處就係排版比較好睇，而且好多分類可以自訂
可惜當放入幾千首歌的時候 速度上同WMP一樣      慢到仆街
今次嘗試用iTunes playlist 入面的rating 作專輯評論
當然 所有評論都係好主觀的 全部係由本人雙耳作出發點
以下係★的代表：(冇則代表首歌重複左、唔係歌曲、mixtures 等等)

★＝	聽一次就算／唔想再聽第二次／好難聽
★★＝	一般般／聽完冇乜印象／好行
★★★＝	節奏編曲歌詞其中一樣為上作／順耳／易上口
★★★★＝	節奏編曲歌詞皆為上作／好深刻／聽完難以忘懷／一直想loop落去
★★★★★＝	神作／歌手成名作／百聽不厭

作為S.H.E 第n個年頭的支持者 其實幾鍾意依隻碟
玩味性質濃厚 玩電台風格 如果再多D會更好 例如加入電台廣告
失敗地方絕對係加入有X輪海的Bonus Track      二個字"難聽"   ★★係因為有S.H.E的聲音

全碟最喜歡2首中國風歌曲 天亮了＆月光手札  原因係最近極迷中國風(主觀....)

宇宙小姐本身唔錯 但本人聽左原唱版本先 覺得S.H.E 唱得冇咁放 但都不失為好歌一首

比你賤 第一次聽覺得有D熟 典型的S.H.E風格舞曲
之後用普通話讀一次歌名(之前一直用廣東話)..................暈左  原來係抄MJ的Billie Jean
唔知MJ 知道Billie Jean 變左比你賤會點？

安靜了      如果冇聽過安靜 只曲絕對係好歌 可惜聽過安靜的朋友 
          聽完第一句：只剩下鋼琴陪我站在這裡
心入面下一句都會係：睡著的大提琴 安靜的舊舊的
可惜可惜

 其他歌曲比較一般 店小二和聲唔錯 612星球叫做順耳
整張大碟其實可以玩得再放D  唔明係點解要加首酸甜入去(怒)
電台風格可以參考一下GTA OST     入面每一張碟＝一個電台
另外 第一次聽 喜碧夫人时间 笑左出黎 HEBE把聲好搞 "Ya! I know" "又傻又天真"
仲有Selina 一句 "就是臉有一點圓" XDDDDDDD