先為要用的雞尾腸解凍，接著就開機洗衫，噢……因攪過部洗衣機，弄致滲水。無辦法下唯有唔理，跟著就炒飯，今次沒有兜了飯出來，因為很小心地炒。

有飯開啦！不過都唔夠味，但食得好滋味，因為係自己煮。睇了陣電視，傾了陣電話，便繼續開歌開工。因要晾衫因此就先收衫，接著就晾衫，然後就洗自己~~包括洗頭啦、磨沙洗面啦、敷面膜啦，期間仲洗埋房塊鏡添。從弟兄教如何清潔cd中取了靈感，因此今次只是用棉花濕消毒酒精來抺，嘩~~當消毒酒精完全揮發後當堂靚靚好似新0既一樣，唔怪得之前照極都唔清咁啦，仲以為係間房唔夠光。

攪掂自己後便洗碗去，完了也差不多六點，便預備出門去搵elaine一齊睇視視。買了豆花俾自己吃呀，補充甜甜0麻。睇完傾了陣便走啦，因為要去交收，又多一個二手戰利品。但因為顧著雞雞離去忘記了攞外套，仲等我出門時求其著了件短袖衫，幸好今晚不算涼涼，否則病了就唔好啦。 

原來係上玲姐樓開餐，有大閘蟹啦、炒芥蘭啦、煎魚啦、雞粥啦、油炸鬼啦、汽水啦，仲有晴恩添呀，今趟晴恩同我0岩 key d，佢軟綿綿又好滑所以好好攬嫁，我就骨頭硬啦。同佢玩左陣好開心。

睇完贊師夫才散場，回到家發現契妹找過我，便與她聯絡，最後因為她回覆，所以傾了電話。講開佢講書d野，我就一輪嘴咁發表見解，我想是因為我對自己的進修感壓力，所以好想她能夠好成熟、好有智慧咁去面對學業，以防她好似我現在咁。不過好多謝你聽我長氣，你大個啦，你要學習去解困難，我相信你。但也求神為你加添智慧去決定前路，及讓你得力前行，以後有代禱的需要通知我啦，我會在禱告裡為你擺上。

明天繼續努力！