再醒來時接近下午一時，弊！唔記得約了九時還是九時半見工，唔……無左記憶，算吧啦！便去看看幾點開場，唔係呀0麻一時二十五分，點趕呀！這時還未清醒，去了洗手間一轉後，本打算看看仲有咩場次，才發現是於一時三十五分開場，咁就唔同講法啦！

匆匆地出門，因為實在太想睇啦，上個禮拜已經想睇，但心實在太沉重所以無去。點解要卜倒去？因為怕越晏越多人入場，其實都有弟兄姊妹相約我去睇這套戲，但我怕自己在熱閙中更想起一個人，所以我選擇獨自去看。各位唔駛奇怪，我不是第一次自己去看戲，只是當有時那會想獨個兒呢！

三十元0係ua睇戲真係好開心，不過要憑有關之麥提莎咭包，還有只限購買即日戲票。 “怪誕屍新娘” ，好好睇呀，某些略嫌速度快，未能仔細欣賞畫面。如果我能像地獄新娘一樣咁抛出花球就好啦！完場後還去了影相。

@== 朗豪坊UA內獨有之陳列公仔 ==@

@== 遇著宣傳高達電影，因此有高達模型之展品 ==@

@== 仲有一時興起的自拍照 ==@

基本上今天沒有繼續昨天開始的執拾行動，因為晚上返永光上堂，然後去了摩士，然後去了九龍城食飯。一個沉重的姊妹遇著另一個同樣是沉重的姊妹，咪等於只係顧住食及無你咁好氣。其實我唔係無你咁好氣，只是我自己也很沉重。