South come back lar ~~~
朝早食完早餐就番廣州喇, 尋晚由於俾我表姐個仔搞到無覺好訓, 今日一上車就訓到中午番到廣州食 lunch 時先識醒.....
食完 lunch, 老豆就開車送我去搭車番澳門喇 ~~~
嘩~~~今日唔知搞乜, 過關勁勁勁勁多人囉, 好誇張呀, d 人多到打哂蛇餅咁添呀
跟住番到屋企執嘢執到我死咁, 有四桶衫要洗(之前潮溼, 搞到d 衫要堆埋好天先洗得) 整整下先發覺已經十點, 我仲未食飯, 於是米唯有又係 "小熊貓" 囉......
等左九個字, 終於有得食飯喇~~~
點知我 "以前" 個班長仔放假出營打俾我, 佢聽日又要入番營喇, 咁難得佢出營打俾我.......我米一路食嘢一路同佢傾電話囉, 後尾傾到我手提無電先收線咋 (電話費好貴.....5555~~~)
佢話入邊有幾多靚仔架喎, 咁我梗係叫佢有機介紹我識啦......
嘩~~~佢d 兄弟出左黎全部都係消防喎, 制得過呀.......
食完飯, 洗完衫, 跟住我就好 "勤力" 咁寫番之前幾日o既日記喇......
點知寫寫下已經天光喇.......點解會咁架........
|
