相信大家都知道本人今日係冇堂架，爽，所以今日１０點左右先起身，起左身係度上網睇下電視。

睇到咁上下我就去左食飯啦，食完飯，我同房提出我上個星期想做既野，就係去唱Ｋ啦，仲要係唔洗錢架ＴＩＭ，正。

之後係宿舍上網上到兩點左右就去左唱Ｋ啦，去到戈度，好多房，多到成個迷宮一樣，我地四個人要左間細房，都ＯＫ大，好似平時澳門Ｄ房咁。

佢仲有Ｄ叫ＶＩＰ，我走過去睇左一眼，真係好大好大，而且唔係好貴架咋，戈Ｄ房唔係用電視機架，係用平時課室戈Ｄ投影機架，可以唸到有幾大ＭＡ？？

之後佢地一路唱我一路好似平時咁睇下Ｄ　　ＭＶ，睇到一首周杰倫既歌，好似叫＂你聽得到＂唔知係咪，差唔多架啦，入面戈個內容都幾得意，講每個人既手提ＳＤ　ＳＭＳ既時候會有一隻精靈幫你傳遞訊息，里個想汰唔好，好特別。我中意。

唱到４點半左右就走人啦。番去宿舍上網，準備下明天要上既堂，仲有，明天體育堂要打乒乓球循環，好耐都未過真正計分既感覺，唔知我明天會唔會出線呢？

今日Ｋ房既情況，空間都算大架啦。