似乎越長大就越覺得無聊，睇嚟系我個人身體已經長大但系心態仲未成熟吖。似乎仲系太嫩啦太幼稚啦，好多事情都唔可以做到自己想像中嘅咁好，系我嘅意識太好要求太高，定系我真系低能囁？有時頭腦一暈就真系分唔清啦，本來做事就已經睇得唔夠透徹嘅嘞，仲要頭昏腦脹咁就死得啦，變成好多嘢更加做唔好嘞。真系好似S.H.E唱嘅歌咁，我不想我不想不想長大。

        睇番好多以前嘅嘢，變得好有感觸。每樣陪伴過我地長大嘅嘢，對番佢地都好有親切感。我地未老未衰，就已經開始緬懷過去喇。究竟系我地嘅錯，定系時代嘅錯囁？我地系指80后（80年代生人），其他人唔好誤會啦，90后唔好嚟湊熱鬧啦~。

        今日，忽然之間諗番起，以前睇過嘅動畫片，其中有一個系列劇叫《衰仔樂園》（south park），美國出嘅，勁搞笑啊，原音配字幕都幾有意思，有廣府話版嘅，仲搞笑啊~，配嘅臺詞好死賤吖~，好似系香港喱邊配音嘅。諗番起都想笑死，碌葛，懵丙，蛋散，粉腸，廢柴，史sir，大小二便，大肥溫，徐老鳳變身八婆哥斯拉……哈哈哈哈，開始有啲肚痛咁喇~。得閒要搵番嚟重溫一下先得~。90后嘅人應該好多人都未睇過，未睇過嘅得閒去搵下嚟睇啦，保證你唔會後悔。