今日午飯時間 自己一個係樓下食

點知竟然巧遇肥仔曾

不知不覺間都識左佢10幾年 連佢電話都無左了 但見到面都會吹幾句咁啦

點知今日一吹就吹左近半個鐘 真有一種老人家的風味

略談近況 再轉而詳談他的生活

讀緊hotel 既佢 整段午飯時間 似發洩心情 多於與我互談

傾傾下見佢愈講愈激動 真係爭d 要拎定張紙巾俾佢

酒店業真實情況已經飽和 讓人憂心

當初政府大蛋糕 大家爭個你死我活先入到既一科 卻是虛有其表 誰也看不出內裡的夾心 實是沒有出路

1000人爭30個工作位 實習都要返內地

連廚房實習 都可以體驗到辦公室政治

最後說了一句"以有涯隨無涯 殆已" 作為這餐便飯的落幕 倒令人感慨

一個讀到無哂motivation 既人 也是現代畢業生的寫照

難怪政府會推出心理呢一科 雖然讀黎無用 但用係佢地身上 真係幾個theory 都用得上

而我亦不太敢去想自己的出路 暫安於本份 倒不失為過吧

掌心因此多出一根刺 沒有刺痛便懶知

昨天對面陳太又再次邀請我教地理

所以說 補習的確是一份相對上易找的工作

只見A 唔到都有人搵我教就知道了

但 我還是推了 說是浪費機會也好 年年考第一的學生 我真的沒太大把握

補底容易拔尖難 也是我的難處