今日六點就起左身啦..因為要趕番去暨大上堂...事因星期五既堂調左去星期日上..姐係今日..

未到7點我已經係關口等佢開關啦...都幾多人架....==

好啦..番到去暨大先係7點半..比預期既早左....番到去..我同房仲係度瞓緊..咁我咪坐一陣囉...坐坐下...瞓著左...瞓到7點50分左右..死啦..我同房仲瞓緊既..唔通佢唔上堂???

之後我問佢..你唔上堂呀???佢話唔上...我問佢..有冇功課交...點知...原來係冇既...知得我唔咁早番啦...白費我咁早起身...之後我咪上網睇"巾幗梟雄"大結局啦...睇睇下...睇完LU..去左瞓一陣...因為一陣要上體育堂...要交作文...唉...上完體育堂..就去左食飯啦...食完...

番去房..我同房開始佢既HAPPY TIME啦...就係打鼓啦...事關佢前幾日買左套電子鼓...成個中午都係度打鼓....我就係度瞓...唔知點解..我都瞓得著...KAKA...

之後瞓醒啦...佢下午都係冇上堂..不過我就去左上啦...上左一節我就走人啦..因為要番去宿舍做英文功課...做到咁上下...我就番去澳門啦...因為岩岩同昨晚都有一個魔術服務...

超正囉...有一個人叫.."深井洋正"...係日本既魔術師..佢表演出傘...好似話係著名既一代"姐"神.....昨晚我睇唔到..不過岩岩戈場我就睇到啦..真係幾勁..唔錯..

其餘既魔術師都OK勁架...今次都係我第一次睇里D魔術SHOW...再上一次戈個翁達智..戈個都算係大型魔術...都唔錯..

不過我始終都係中意D手法型既多D....唔錯..KAKA

今日出關好多人呀..

我同房既電子鼓

  深井洋正同佢助手