終於可以返星期五啦...
但係今日有好多個人要去潛水...
有d又早走...
晏就早班part-time得返3個...
真係睇到都呆左...
尋晚又同like傾左成晚電話...
都唔知自己講左d咩...
總之過程係愉快啦...
放工出左街...
同like去左銅鑼灣...
因為淨係識去荃灣同旺角實係太悶啦...
無新意...
所以出去開發新地方...
不過暫時只係去左時代廣場...
裡面...
唔啱我囉...
無乜野好行...
最好就係佢半層個精品店...
同女仔出去幾好...
但之後就無啦...
下次睇下第二邊既商場...
應該多啲野行...
6點前我地去另一個地方...
呢個先係我地既最重要目的地...
大會堂...
like有一張野...
只要去左今日個作品展...
就會有本野送...
去到睇個作品展...
係一間設計學校黎既...
不過有樣野好驚訝...
間學校幫好多好多野整左宣傳既圖形...
電影節...
商品...
地方景點...
咩都有...
好誇張丫...
但係有一個評價一定要講出黎...
佢地好多畫都唔係太好睇...
我天分低畫唔出...
但係即使係我地學校都好多人畫得更好囉...
設計學校...
有點不外如是...
睇完...
去左青衣行下...
再去左食赤丸...
我諗赤丸應該以後放入我既ban list度...
價錢唔貴但係野食麻麻...
我本來諗過食板前...
但係逐碟計...
我唔係咁有米喎...
食完唔駛返屋企啦...
等洗碗啦...
食完去左青衣城出面個海傍行下...
行左一陣就好累...
個海傍唔知結尾係邊呢...
有機會一定要研究返...
去到我地停低既位置再前少少...
有個矮塔...
上面有兩個男仔係度...
係咁玩踢腳...
兩個重唔係比武...
樓下條樓梯重有一個人坐左係度...
一定係唔比人上去阻戰啦...
最後誰勝誰負就唔知啦...
睇完坐低抖抖...
今日行左好耐...
頭先又食到好飽...
行唔郁啦...
本來諗住就係呢個地點問like...
因為有點情調嘛...
點知丫媽打黎...
問我10點做咩重唔返屋企...
聽日唔駛返工咩...
平時又唔見你問下我...
今晚無啦啦做咩問我呢...
搞到like叫我走去搭車...
我又未問...
之後要去到巴士站先問到...
咩情調都無晒啦...
雖然結果都係好既...
不過唔夠完美囉...
由今日開始...
係時候脫離單身行列...
好開心...
至少我笑到停唔到...
已經足夠了...
|
