今日我地好早就起左身......因為今日我地既行程都算緊迫.....而且最重要既就係我地要落去食早餐......因為間酒店既早餐只係去到10:00....所以我地兩個就9點鍾起左身.....而且啊儀超勁tim羅....唔駛我叫佢自己就起左身....真係少見.....刷完牙洗好臉換好曬衫之後.....我地就落左去食早餐那.....嗯....不過朵間酒店既早餐都唔算係好好....因為佢地連燈汁同牛奶都無得飲羅....超無奈....不過我都食左好多野....我既早餐包括 2件漢堡扒....2件炸薯仔....2個炸曼頭....一碗皮蛋瘦肉粥 再加三塊牛油多士....超豐富.....而且仲食到我好飽tim羅.....
食完野之後....同啊儀返返上房執野....之後再影左幾張相....搭正10:30我地就check out lu....而且仲比我地預期諗既時間早走左.....但係點知我地check完out之後.....先知道原來剛剛開走左架車(返去澳門朵邊既車)...跟住個酒店會工仲同我地講話起碼要等45分鐘先至會有第二架車開....嘩....傻家咩...等咁耐....而且早知係咁既話....我地就唔check out住啦...因為都唔知去邊刑好.....無奈.....同啊儀傾過之後....我地就走左出去搭巴士那.....不過我地就唔知我地應該搭邊架車羅.....所以我地就走左去問人...之後朵個女人同我講左可以搭兩架車去到大三巴....咁我地咪行去睇下d路線羅.....但係當我地睇緊既時候,.....無啦啦有架車黎喎....所以朵個女人就勁叫我地上車....咁我地咪上車羅....但係其實我地都唔知係邊度落車....而且佢有冇野顯示喎....所以我就都唔知點算好羅.....不過我覺得我地上到車係唔擔心係邊度落車家羅...因為我比較擔心我既安全多d,.....因為揸車既朵個司機真係揸得超恐怖羅.....揸到架車好似開緊過山車咁.....超恐怖啊.....而且有幾次我同啊儀都差d跌親啊....同埋我仲撞親幾次tim羅.....超無奈.....而且我仲打死都唔放開捉住扶手既兩隻手羅.....因為如果我有一隻手唔捉穩既話....我諗我會成個跌左係度羅.....嗯...不過其實捉住左扶手同無捉住扶手都係差唔多家那....因為我都係會搖擺不定羅....而且仲搞到我有d想嘔既感覺tim羅.....
所以而家諗起都覺得有D驚啊...
.hehe.....後尾到我地落左車之後.....我地先至發覺其實我地係落錯車羅....所以我地就唯有再去搭過第二架車.....不過其實我唔係咁想搭家.....因為之後搭既朵架車搞到我對澳門D巴士有恐懼感羅......不過好彩我地搭既第二架車係好過之前朵架好多好多姐....因為起碼我都唔會企到搖來搖去啊嗎.........後尾去到目的地既時候...因為啊儀個肚唔舒服....就同左佢地旅遊詢問處度坐下....坐左一陣之後...我地就向大三巴出發.....不過係去大三巴之前....我地就去左食澳門馳名既燉雙皮奶.....好味.
..食完之後就繼續向前進發....沿途啊儀影左好多相....而且佢仲一路行...一路肚痛Tim....超可憐.....後尾經過我地攀山薜水...上斜上樓梯終於都到左我地既目的地 "大三巴 ".....係大三巴影完相之後....我地就上埋"大炮台".....不過我地就超累羅...因為又係要上斜同行樓梯....而且我地又拎住超多野喎....d野又超重...又超熱喎....所以簡直係想累死我地羅....到我地上左去"大炮台"既時候....我地兩個已經係無曬力家羅.....而且仲坐左係度超唔想郁
.....因為上面超涼超大風啊.....不過我地都係坐左陣.....就繼續向澳門博物館出發.....不過我地就超八痴羅....因為去到博物館既時候....先知道原來朵到有電梯可以上到去"大炮台"....所以我地根本就唔駛行咁多路羅.....超低b啊...
..後尾出左博物館之後...我地就向"盧廉若公園"進發......不過我地就搵唔到車搭去....所以係行過去羅....而且我地都唔知我地行左幾多路啊.....因為我地行下又坐下...行下又坐下....所以都用左好多時候....後尾見到有間餐廳既外觀幾好.....所以就入左去坐低食野....順便就梗係休息下啦..
...坐到差唔多3點幾....我地就繼續我地既行程....行到去"盧廉若公園"那.......不過我地入到去既時候.....就覺得有種比人呃既感覺...
..因為朵個公園都唔係好似佢影出黎既朵個圖咁鳥語花香羅.....因為佢似係一個樹林多d羅....而且一眼望埋去....全部都係樹&石....無奈...shine曬人地d腳骨力..
...而且我地仲差d係裡面搵唔返出面返出黎tim羅.....搞笑....
行完"盧廉若公園"之後....我地就向"二嚨喉公園"進發.....不過今次我地就梗係搭車去啦......但係.....我地竟然搭錯車羅....因為我地竟然搭錯方向....而且仲要係去到總站既時候先至知道羅...
超無奈....所以我地就唯有搭返朵架車....去返我地想去既地方 "二嚨喉公園"那....去到 "二嚨喉公園"之後...我地就再搭纜車上去"松山市政公園".....不過等坐纜車等左超耐....等到我有d唔耐煩....因為我後面朵個0靚仔成日都撞到我...
.搞到我超無奈....後尾上到去"松山公園"之後....行左一陣...覺得無野睇....就去搭纜車返落去.....而且等纜車既時候又係超耐.....所以到我地返到去"二嚨喉公園"既時候已經差唔多5點那.....而且因為我地6點鍾就要上船...所以就超趕時間咁趕返去搭車返去"新八佰伴"朵度買手信....但係個司機超衰羅..
..因為我上車既時候問到去唔去到"新八佰伴"既度佢就話去到....但係當架車到左"新八佰伴"既時候佢係無同我地講家羅..
等我地發覺過左既時候...都已然太遲羅.....因為我地都唔知我地去左邊度那..
...而且佢開車仲開得超慢羅...簡直就係開到好似蟻"冷"咁家羅.....而且仲兜得超多路..
..所以就搞到我地去到碼頭既時候都已經係5:45分.....跟住我地又唔知去邊度上船喎.....搞到我地超趕羅....而且仲超驚我地搭唔到朵班船&驚朵度做野d人唔比我地上船羅..
.唉...超無奈啊....不過好彩我同啊儀最後尾都趕到上船羅.....而且上到船之後...我同啊儀係累到兩個都即刻訓曬教羅.
....跟住我地仲要係訓到差唔多到香港先至醒.....超舒服....
p.s 嗯...不過我覺得今次去澳門玩有d遺憾羅.....因為我地去澳門玩...但係竟然0麥野手信都買唔到同埋食唔到澳門出名既"豬扒包"羅...
...而且仲搞到我返到黎比肥媽咪話我仲咩唔買手信比佢地喎....嗯....不過我都唔想家....因為如果唔係朵個司機開車開得咁好...我地都唔駛咁趕&同埋驚搭唔到船羅....所以唔關我地事家喎....因為我地兩個都想去買手信家....但係時間唔許可姐嗎
.....所以要怪就怪個司機啦.....hehe....
嗯....不過我都唔知點解澳門d司機咁樣家羅.....因為佢地開車一係就好似開緊過山車咁....開得超快....一係就好似學緊車咁...開到好似蟻"冷"咁....連d人行都行得快過佢羅......超頂癮羅.....而且開頭我以為香港d亡命小巴係超恐怖家啦....但係點知坐過澳門d巴士之後.....我覺得澳門朵d巴士恐怖好多羅(少部份).....而且我覺得澳門係車多過人家....因為係澳門每一個角落....都會係有車行緊&泊左係度家羅....超多超壯觀啊...而且簡直係令人嘆為觀止家羅......
仲有啊....原來琴日係澳門零晨2點幾打電話比我既係肥媽咪黎家羅....但係因為我朵時訓緊教....所以就無聽到....而且到第二朝既朝頭早....肥媽咪都有打過電話過黎比我.....但係我剩係聽左一次電話炸羅...hehe.....
p.s 2 係度祝多次啊儀"生日快樂 & 日日都咁開心".....而且希望佢覺得今次去澳門玩....係玩得值得家啦....(雖然我地係行左好多路 &加上佢有d唔舒服)...不過都希望啊儀玩得開心......hehe.....
