唉........今日真係極之難忘！！！！真係要必睇 =^=
因為一連串好 unlucky ge 事響一個朝早之內，響我身上發生.......
話說老闆叫我今日去買五常法要用 ge 物資（成日要我買野 =-=）
而我 ge 行程係咁：
1. 先去鴨寮街買一支探熱槍（紅外線射你個頭果 d ）
2. 然後要去青山道工業區個度買標籤機專用 ge tape
老闆事前俾左 $ 500 我，而我銀包本身得少少錢..........
_________________________________________________
我 11 點去到鴨寮街，黎黎去去得影音、五金、四仔.............
來回行左一轉，連北河街都行埋........之後返返去地錢站出口
打俾阿頭話買唔到，佢話：「間野好似叫咩.......永盛啊」（依家先講 ）
頂.......一抬起頭，我就企左響間鋪隔離.........仲行左我咁耐
支野要成 $ 338 ，超出預算，依家我銀包得返 $ 290 （呢點好重要）
我知道 d 標籤帶要用 $ 303 先買到，一路提自己要禁錢，禁錢，禁錢..........
之後搭地鐵去荔枝角，要行成十五分鐘先去到工業區..........
我行到去，上埋樓，準備敲門之際.........「Shit！！！未禁錢」
死死地氣行返轉頭啦，工業區都唔會有提款機..........要去返地鐵站
行到半路見到長沙灣廣場有好 X 大間恒生.........可惜「機件故障」
唯有落地鐵站，要排隊，等左兩個人，都好 q 耐~~ 終於到我...........
Damn！！！ 「現金提款服務暫停」 ~
仆你個街，排我前面個條友禁左成副身家出黎啊？？？？
好好彩.......荔枝角地鐵站兩邊盡頭都有恒生提款機.......好 X 辛苦先禁到一百蚊出黎
呢個時候，我銀包已經有 $ 290 + $ 100（呢點都好重要）
可以買野喇！！又行返去........終於買到，個度個老闆話：「咩公司架？？要開單」
我：「金滿都越南餐廳」
老闆：「哦！！五常法協會會員，俾個九五折佢。多謝你 $287 ！」
我  ！！！！！！當場爆左句粗口囉
可能個老闆差 d 以為俾折頭我所以鬧佢~ =V= 其間吹左陣水
佢問：「八卦下丫，你拎住呢袋咩黎架？？」
我：「探熱槍」
佢 ：「邊度買架？」
我：「特登走了鴨寮街買啊，我老闆話平 d 喎」
佢 ：「幾錢？？」
我：「$ 338」
佢 ：「哎呀！！」
我：「咩事？？」
佢：「就呢度樓上有探熱槍 ge 批發商，你響度搵佢買........二百蚊」
屌.........................................................................
即係我成朝做 ge 野都係運緊吉 ~~
|
