| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2009 年 7 月 17 日 星期五  |
| 熱 |
分類: 我思故我在 |
喱幾日超熱，熱到人都情緒化得厲害。
去街時不時見到交通事故，有大有細，大到有人入修理廠嘅，細到輕輕接觸一下，可能未接觸到添，就發脾四打電話扮曬嘢咁，影響交通累死街坊喇PK。
天氣熱，人都躁啲，不過啲朋友中以往臭脾氣嘅居然無發飈，世事真系難以估計吖。
打籃球都火爆，即使夜晚打都比以往激烈咧。
似乎溫室效應又進步了，人類貢獻不小囁。
咁熱，當然多人開空調喇，不過諗起冷氣嘅溫度效能果樣嘢，有幾多人真系會開冷氣到環保指數與效能指數最佳比值嘅25.5℃或者26℃囁？
大型建築裡面，要保持大空間嘅整體溫度唔熱，25.5℃唔多現實，但系起碼家庭用戶應該儘量支持。
曾經喺搭車時聽過有幾個靚仔靚女談話，居然講出開大個冷氣然後kam住厚厚嘅被感覺好舒服，哎，年輕人吖。開番高啲溫度，kam張薄被唔系一樣咩？
有幾多人真系會自覺控制冷氣嘅溫度咧？恐怕開大冷氣（調好低溫度）嘅大有人在，甚至低於20℃都唔少囁。
開冷氣，覺得唔熱無汗出就夠了，唔好追求冰爽感覺，要付出代價嘎，能量守恒吖，屋內越凍，室外越熱，而且額外付出高能量消耗同廢氣污染自然環境嘅代價，得不償失。
曾經我知道開冷氣到25.5℃系最環保嘅溫度嘅時候，我都未可以接受到25.5℃喱個標準，不過後來都唔系用咗好耐時間就適應咗了，25.5℃的確唔會熱了，即使啱開冷氣開低啲，都無可厚非，開到一段時間就應該本著環保嘅心態調番25.5℃喇。
若果科技太進步，但人類覺悟趕唔上，其實系一種悲哀，人類本想生活得更好，但一唔小心就會自掘墳墓。或者，正如曾經與同學談論嘅話題咁，人類可能真系有史前文明，人類曾經到達嘅科技高度比現時厲害得多，但人類因為不知好歹，終於死喺自己手上。
諗起一句話，人類最大嘅啲敵人其實系自己。希望人類唔會做自取滅亡嘅事。
|
|
|
gogo99 於 2009-07-19 04:45 PM 發表：
hoo.
我係開25度-3-'
|
|
