先兩日阿君生日~~一放工就番屋企沖涼~

之後就出左元朗度唱k~去到見到好多人^^~~

好多我好想見既人~~去到我就坐低同文瑋佢地係度鋤dee~

但係我發現唔到我親愛既壽星女君君~唔知死左去邊呢~~

反而見到佢個妹~林叉婷~~好久無見過佢~依然係咁活潑"好動"~~

我見個門開左~終於見到今晚既壽星~~不過因為肚餓既關係~

就同佢一齊去左買野食~~行去B仔度買野食~~~

番到去k房度就拿拿淋食野醫肚先~~食完就係度發呆~

可能係因為中途加入既關係~我好似有d唔係呢班人其中一分子既感覺~

番左成日工~~無咩精力去同佢既癲~~(雖然我都好癲-3-)

玩到咁上下~~想訓陣教~反正班人玩到咁~都唔會留意到我係後面訓教~

點知阿麥小姐竟然連續兩次發現我係後面訓教~更施以世上最殘忍既暴行~~

                                              叫醒我><

之後都係唔訓喇~~因為頭頂對上個喇叭太強......

之後行左落去7仔度買咖啡醒神~~正啊~~~

飲一飲~~果然成個人無變過都仲係好想訓~~

跟住都廢事理~~同文瑋佢地玩鬥地主~~玩玩下又幾精神~

一路hi到去5點9~~俾人cut歌就走人~~落到去~地下濕晒~

應該係落過下雨~~好可惜..見唔到落雨果刻~~~

先排打風~~係屋企望出去橫風橫雨~~真係好想出去-3-

走果陣~~佢地話想去食早餐~~咁我咪自己一個飛的番屋企訓教~

雖然我都想去食個早餐先番屋企~~不過...廢事喇~~

點解會變左打番之前既野既~~~

不過算喇^^~~由佢喇~~