今日帶佢地去海洋公園,一早起左身,去到門口就黎11點
一入去勁正,去睇熊貓,同冰河世紀3既野,熊貓住既地方仲好過d人,
跟住搭纜車上山,上到去我叫佢地去玩跳樓機,頂佢,3個台灣客都淆底
最後都係我同呀妹去,上到最高望住對面既跳樓機,個心跳得有d快,
等左9秒到,一野去下跌,好快好爽,落黎果下好正囉,
之後去搵番佢地,佢地竟然係張枱到訓覺,
頂佢地唔順囉,跟住去排過山車,
排到啦準備上車,我呀妹竟然淆底閃左去,唉!
佢跳樓機敢玩過山車唔敢玩,o左,
得番4個人玩,果個過山車一d都唔恐怖既,
又唔係凸別快,最衰海盜船停左,玩小樣野,
跟住去玩飛天千秋,又係無聊野,
跟住去左睇海豚表演,幾正。
原本諗住去玩越礦飛車,點知又落大雨,停左,唉。
最後去玩埋滑浪飛船,濕晒,之後搭纜車落山走。
搭車帶佢地去中環蘭桂坊行下,跟住就番左家,超攰。
|
