尋日約咗同事去,本身諗住去canteen,點知去錯隔離入咗restaurant,
一入去就知唔對路,但騎虎難下,就咁走返出去就太無face了~
逼於無奈,坐低點餐,聽講話呢度幾好食的,就豪一次俾佢lo..
三個人點咗三個餸+三個湯=$330(都OK既..雖然有D肉赤,但真係無乜撰擇lo)
三個湯先上,係龍蝦湯同海鮮湯,我同事覺得個湯太濃,要點都包先飲得晒..
我飲咗個湯已經飽咗(因為食埋D包)..
跟住就等等等..一路等一路想瞓..因為個境景太releax..
等咗好耐..終於都上菜啦..我地點咗黑豬面頰,海洋燴飯,羊腿..
跟住一路食一路洽眼瞓..太概兩點多D先上菜,但佢地收三點,焗住要我要快D完成,但由於食物味道非常普通,所以我地食得好慢加上食唔落..
最後每個餸都食剩一半..我地就埋單走人..佢個味道係你覺得唔食都唔會好晒咁..係咪因為我地係粗人?唔啱食西餐?
p.s:服務真係OK架..因個個都係學生同阿sir睇住..梗係有求必應啦..不過就真係不太醒目就是了..另外同事最唔鐘意佢地一上菜就擁晒過嚟,真好似上緊堂咁lo..另外我唔係好明,通常食完湯,戈D跟包既配料唔會一齊執走架咩?尋日我要叫佢地先執走lo...