第二篇
星期日約左班朋友踩單車，踩左大約四個鐘由馬鞍山踩到去船灣淡水湖主壩，中途入左大埔某條村食tea，係主壩果度影左幾張相坐左一陣就返歸，高估左自己回程只係預一小時時間，結果用多左十分鐘，個天黑哂單車鋪剩係等我地果幾部車。
因為趕時間回程都保持一個平均高速，踩到大腿實哂有隨時抽筋既跡象。之後返左去葵芳打籃球果然打幾下就抽筋，仲要係抽得好勁果隻，其他人亦有筋齊齊抽相繼倒地，因為立定決心每星期都要跑步，打完籃球又去左運動場跑圈，跑到第二個又輕微抽筋，之後忍住痛跑埋第三個圈先收檔，經過一日長時間虐待後膝蓋加大腿肌肉都好痛。
|
