今日都仲係用廣東話...

今日未試過咁唔開心囉...
繼唔記得幾耐之前有人想搵我幫手跟住比人話搵錯人啦之後今日又嚟單咁嘅嘢...
事緣於超人想搵我裝機喎...雖然我本來都想推咗架啦, 隔離嗰個無啦啦插把死人嘴嚟...
心諗係咁嘅話慳番啲口水拒絕人啦, 好死唔死加十幾廿句。話咩我唔識啦, 又乜乜物物。
跟手又用佢啲所謂"識裝裝砌砌"呀, "打個電話一個星期有得用"呀嘅"朋友"同我做比較。
越聽我就越把幾火, 你啲咩朋友咁叉巴閉呀, 佢識嘅嘢我唔識呀? 我裝機使鬼一個星期咁耐呀?
我家陣用緊呢部我自己兩日裝好加埋OS都唔使三日, 一個星期? 慳啲啦。
淨識Hardware有條O用, 講到好勁咁款, 好似軟件嗰啲都知咁。
係呀話, TCP/IP協定下開一條連線係點開知唔知呀? 電腦重開機咩原理知唔知呀? 簡單啲啦, 開個程式嗰陣Shell會call咩API呀?
呢啲問題你嗰啲所謂"好勁"嘅朋友唔查資料都答得出嚟我五體投地, 三跪九拜我又點話。
唔知我識咁多唔該唔好懶係串咁。我最憎啲人將我擅長嘅(至少我認為係)嘢講到一文不值, 姓李嘅我都唔知係咪上世同你有仇。
好在係我忍得到唔同你駁咋, 我就費Q事係度點名批評。平時我都唔想show off嘅, 係你迫我係度串埋其他人咋。
姓陳嗰個我到家陣都仲記得你講過啲咩呀。

連埋其他立立雜雜嘢今日理智差啲俾情緒擊敗...