因為依然很累，因此由返早調了返夜，結果.....當然係唔駛溫書啦！仲攪笑係我連葯都可以留底了沒有帶回家。

食番葯後，今日其實應該可以早點起床，但仍是累累的，接近放工時分有考慮不去測驗，但又做不到投棄權票。結果......還是趕路上。幸好，在地鐵有位可坐下，但溫了兩個站左右，就已經有睡意，最後還睡著。剛醒了就到站落車，根本在夢遊似的。結果......到了課室坐下，就已經感到一片空白。

放學後無乜心機的我，匆匆看見到旺角的小巴便上車，然後回電給媽媽，原來是弟弟有事，好煩呀，但當然只應了媽媽便算。

想去的cafe沒人接聽，都不知有沒有開。而小巴又不知終站在哪，便匆匆在匯豐總行下車，原來車費要$12。

其後打算落太子的我，在等燈過馬路之時，看到前頭密麻麻的人頭，就感到歸家的路方便些。於是便改變行程，先去屈臣氏買補品，然後到朗豪坊試新館，跟住回家放低行李才出去花墟。

就在購物之際，明弟兄蒲頭，於是便一起食飯。間cafe在朗豪坊隔離叫朗晴坊，7/f，進門先問食唔食煙，然後一帶位就發現~~正呀，在窗邊卡位，仲要係原來吸煙區是用落地玻璃間開，十分滿意呀！食物一般，但試了一個薰衣草+玫瑰花+洋菊蜜茶。唔~~感覺很滿足，因為玫瑰及薰衣草是我至喜愛的花茶。

飯後，無所事事的玩玩具，先玩了竹簽，後玩了飛行棋，原來兩個人玩都好刺激，之後傾了陣。他們就要求埋單但未趕客，見仲可能有下場，便打電話及susana睇下佢點，回來她已回了去，不用接她。我便繼續我的行程......

其實發現明天難得不用返工也不用返教會，測驗又失敗，假期又要埋頭做功課，所以很想瘋狂一下。雖然見有點累，但見yuki碰巧在旺角，阿豪也在，回家放低行李後便出門再戰江湖。

好不容易，終於都和yuki會合了，咦！佢個頭真係好掂喎，其實我都想整細圈，因為我直得快，但又怕受不了。我個頭就慘啦，有次洗頭時，手多多咁梳順個頭，點知就攪到直番咁，幸好立左乾了後都仲有野睇，弊啦，唔通咁快又要去整過咩，我鍾意自己曲髮，過埋年先算啦！

接著上了yuki個朋友開的場，我想已經變成私人派對了，他們居然開了兩檯麻雀，在cafe打麻雀真係未見過。有大螢幕另有仲有電視玩ps2，勁！但我們無位坐，只站在bar檯前的走廊位，不過看見老闆整完一杯又一杯的飲品後，我想我要俾多些功夫，還是再添些裝置好呢！好想落廚，但無乜心機。

都不知站了多久，yuki見我地無所事事，便提議離開。然後我們一行四人去了花墟，非常失望，就是找不到豆支花，無得香香啦！但好攪笑地，發現了我同阿豪之間的關係，但真係有點兒不服氣！！！可惜改變不了！

然後由阿豪送yuki走，跟著我和明弟兄繼續為我的胃覓食，繞了一個圈都沒有心水，結果返番南華戲院路口，可惜在排隊途中叫"走鬼"，唔制，結果都係無得食，我只係想食碗魚肉翅兩溝，點解咁艱辛。後來尋覓到雅蘭，買了腸粉。因為凍凍，所以決定回家吃。

就這樣地，我瘋狂了一晚。算是係自聖誕以來玩得最開心，除了有得玩到夜一夜外，還有yuki同我撓手，所以份外感親切！嘻嘻！