今日返教會祟拜，係樓下撞到東京，之後我地一齊上去。一入到去就見到恩。今日個個都著住對新波鞋。祟拜開始啦，過左無幾耐完左，之後就一齊去酒樓食野。我地有講有笑，一路食，一路傾計。場面好開心^^，不過無啦啦比人查身份證副本，仲要比人話係韓國農民.....仲要係張副本到畫畫.....個個笑到見牙唔見眼。最衰係阿錢，都係佢害我。今日個餐，估唔到有人請我地。食完之後東京就去拜年啦。我同恩就去行街。

            行左一陣旺角，恩就話試下由太子行去鑽石山，我地就開始行啦，行左幾個鐘，終放到左黃大仙，恩打比西瓜，話要拜年，我都知佢玩下，之後就到左彩虹，恩就打比carman細佬，問佢落唔落黎打波，我地係球場等佢，之後就見到carman同佢細佬黎到啦，carman一眼見到我地就話有古怪，我地就話佢疑心重，之後我地就係到一路射波，一路講carmand野。打左無幾耐就走啦。carman佢地要去買野。我同恩就坐地鐵去旺角食野，食完野，就送恩返屋企之後，就行返屋企啦。今日過得都幾開心^^"。