結果我最後都沒有執好床上的東西，因為唔知點解坐坐下就已經六點，幫指甲扮完靚靚後又已經七點幾，換得衫扮完靚後，成八點半才出門，大年初一就飛的士啦！

整個崇拜氣氛很好，今日配樂用上了中式樂器，好有過年歌的感覺，好喜喜洋洋。正！

逗留了一陣，便回程返家飲茶去，弟弟都有來，不過佢腰傷痛到無心機。至於他女朋友，叫做知道係咩病，但弟弟無心機回應。

弟弟叫了嫲嫲出來，兼且黃大仙大姨上來，便匆匆地清場，最簡單的做法，就係......

大姨走了無耐，就到契妹一家過來，幸好清了場，如果不是，點都唔俾契妹入房。契妹一入房就跳左上床，而我就坐我果張好舒服的大班椅。佢今日個頭扎得幾好，因為佢有心事，所以我地有話題傾，印象中沒有這樣地跟她傾偈。如果我間房長年是整齊的話，確是一個用來傾偈的好地方。

愛自己多些，執到間房靚一些：我會繼續挑戰自己，用正確的方法去愛自己，不再溺愛自己、縱容自己。

晚上就出了去金龍船食飯，見到陳煒，不久就見到何守信，嘩！我咁大個女，第一次見到佢，雖然佢老左好多，但眼神仍然幾英。

因為六時許就出門，所以返到家才九時幾，看了一陣電視，個腦有些不通，話晒無訓過覺，都唔知點樣咁，無做功課的能力，然後......無能為力了！