禮拜五都幾好，同完老婆仔去世貿踏單車，又玩左陣game，就去睇犀照，都算值得睇，好有哩個中國風味，同咪佢眞係戲黎，好估佢唔到，開頭以為個男主角死左，原來佢未死，以為佢未死啦，點知佢眞係死左!而老婆仔就慘d，一路睇就一路驚，睇怕下次都係唔好同佢睇鬼戲會好d!
睇完戲我地就行下街，俾我見到個細路仔，佢右手同左腳好似係俾火燒親，跪係度行丐，銅鑼灣大把哩d係唔出奇啦，但係我見到佢隻眼好紅，好似有好多野要同人講，好特別，果下我都唔知做嘜，見到咁ge情形個心好唔舒服，但我又講唔出點解喔!
琴日我地大隊又扯旗去打邊爐，係要送別寶林ge，都幾正，狂咁叫肥牛，我記得自己起碼都食左十五碟肥牛，抵!跟住就同honey玩十五二十，算打和咁啦!阿何就係度獨自享樂，吸收哩個酒同水之間產生ge精華，而大佬甘就慘d囉，上次就個酒杯飲極都仲有，今次就食極都唔飽，唔知下次會係咪呢，期待中......
|
